الفصل الثاني قبلتهم في طريقي

انقر هنا لبدء الإنشاء .الفصل الثاني والعشرون

الحاجه . يا بنت يا هنيه اطلع صحي الكبير قولي له المغرب دخل علينا

هنيه فوريره يا حاجه

الحاجه ولا اقولك انا اللي هطلع علشان انت هتقعدي تخبطي وهيزعق لك في الاخر

هنيه لا معك حق يا حاجه الكبير كان هيزعق لي ودول عرسان ولا ايه يا ستي صفيه

صفيه غور يا زفته جبر يلم العفش

الحاجه. اصحوا يا عرسان المغرب دخل علينا

ناديه. ادهم اصحى بقى مامتك بتخبط على الباب احنا نمنا كثير

ادهم. ماشي يا حبيبتي وشدها لحضنه سيبيني انام شويه وما تشغليش بالك بالحاجه هي دلوقت تمشي هتقول ابني قائم بالواجب ههههههههههه

ناديه. يا قليل الادب هههه ادهم مامتك على الباب وانا مكسوفه ارد عليها

ادهم. قليل الادب ماشي هادفع الثمن الكلمه دي وهاوريك قله الادب بجد هههه ايوه يا حاجه وفتح الباب و بيغمز للحاجه انا صحيت وهاخذ الشاور بتاعي انا وناديه وننزل دلوقت وبيبوس يديها

الحاجه. يا الف نهار ابيض الف مبروك يا ولدي صباحيه مباركه وراحت لولولوي صلوا وتعالوا انزلوا يا رب يرزقكم بالذريه الصالحه

ادهم. ان شاء الله يا حاجه بس هنتاخر شويه وبيبص لناديه ويضحك وبيغمز بعينه

ناديه. وناديه بتكلم نفسها يا لهوي قدام مامته كده ما بيتكسفش قليل الادب خالص

ادهم ايه يا قمر سراحتي في ايه

ناديه على فكره ما تبصليش كده واللي انت بتفكر فيه مش هيحصل دلوقت وسابته وجريت على الحمام

ادهم. على فكره انتي نيتك وحشه ولو انا في دماغي حاجه هاكسر الباب واجيبك.ههههههه عادي يعني ثم استني ناخذ الشاور سوا البانيو كبير ونقعد فيه براحتنا

ناديه.. ههههههههههه ولا يهمني على فكره وخليك بتحلم باللي انت بتقوله و اخذت الشاور وجهزت نفسها يلا علشان نصلي جهز نفسك

ادهم. حاضر واخذ شاور وتوضا وجهز نفسه وبدا الصلاه هو وناديه وبعد كده نزلوا تحت

ادهم وهم قاعدين. بص لناديه وغمز لها وخبط رجليها من تحت الترابيزه في رجليها

ناديه. ضحكت وبصت في الارض

سهام ما لكم انتم الاثنين بتضحكوا ليه وايه النظرات الغريبه اللي انا شايفاها

ناديه ما فيش حاجه وانت ما تركزيش معنا كل ده وهي باصه في الارض

سهام كده قلبت علي يا صاحبتي ماشي من لقى احبابه نسي اصحابه

مامت ادهم. خلاص بقى يا سهام ما تتكسفيش العروسه

ناديه اتكسفت. انا اكلت الحمد لله هطلع فوق وطلعت تجري على فوق

قعدوا يضحكوا علي منظرها وهي مكسوفه

سهام. مبروك يا حاجه ان شاء الله يجيبوا الحفيد اللي نفسك فيه

الحاجه. ان شاء الله والله يا بنتي ربنا يعلم انا حبيتها قد ايه ونفسي كده تملا البيت عيال زي ما ملاته فرح وعقبالك لما نفرح بك انتي كمان وعلى فكره انا هابقى جدي العيال برده

سهام.. يا رب يا حاجه وانا هالاقي جده وماما لي احسن منك ربنا يخليكم لي يا رب

وهنا جاء تليفون لادهم وادهم خرج بره علشان يتكلم

ادهم افهمني بقى يا اشرف انا كنت كده كده هاتصل بك دلوقت علشان تقابلني في المكان ده كمان ساعتين بس خلي بالك لا تكون متراقب يعني خذ احتياطك جامد جدا

اشرف تمام يا فندم هاكون في المكان ده في الميعاد

واتصل ادهم على العميد وطلب انه يقابله في نفس المكان

العميد. ماشي هاكون هناك في الميعاد

وقفل ادهم التليفون ودخل عند الحاجه وسهام

ادهم. باقول لك ايه يا حاجه انا عندي مشوار مهم جدا مش عارف ان كنت هاقعد يومين او ثلاثه الله اعلم علشان كده عايزكم تخلوا بالكم من ناديه اوعى صفيه تضايقها

الحاجه.. ناديه دي في عيني من جوه

سهام. وانتهت توصيني على اختي ده انا افديها بروحي

ادهم. سهام خلي بالك لحاجه تحصل لناديه انت فاهمه
سهام. شكل المشوار كده عن موضوعنا

ادهم. ايوه فعلا وطلع فوق عند ناديه

ادهم. اخذ ناديه في حضنه بصي يا حبيبتي انا هغيب يومين وراجع خلي بالك من نفسك

ناديه. على طول كده راجع الشغل

ادهم. علشان القضيه ما انتي عارفه لازم نقفلها

ناديه. خلاص تروح وتيجي بالسلامه
ادهم. هتوحشيني قوي

ناديه.. لا انت مش هتوحشني

ادهم. نعم ليه بقى يا حبيبتي

ناديه. علشان انت في قلبي وجوه عيوني وساكن روحي يعني انا انت وانت انا يبقى ازاي هتوحشني

ادهم. مش باقول لك انت حاجه حلوه جدا دخلت في حياتي ربنا يخليك لي انت عارفه لو اني مستعجل يلا بقى ما لكيش نصيب هههههه

ناديه. قعدت تضحك تروح وتيجي بالسلامه

ومشي ادهم وناديه نزلت تقعد معهم تحت

سهام.. بصي بقى يا حاجه احنا النهارده هنسهر لحد الفجر نفضل نحكي و نرغي لحد الصبح

الحاجه. انتي بنت حلال وجدعها ادهم دائما يشكر فيك وحكى لي كل حاجه وازاي انت مستعده تضحي بحياتك علشان خاطر ناديه بس انا ما ليش في السهر اسهري انتي وناديه

انا اصلي العشاء و انتم اسهروا براحتكم علشان هانام

ناديه وسهام تصبح على خير يا حاجه

ونسيبهم بقى ونروح عند وصول ادهم القسم عند جلال

جلال كويس انك جئت لان المعلومات اللي عرفتها هتفيدك جدا ومهمه جدا في القضيه اللي انت ماسكها

ادهم يا ريت علشان القضيه دي كل شويه بتوسع منه ودخلوا هم الاثنين على عصمت

 جلال تشرب يا باشا
 ادهم قهوه مضبوطه

جلال طلب من العسكري اربعه قهوه مضبوط وبعديها بداوا التحقيق

عصمت انا عايزه وعد منكم قبل ما اديكم السيديهات واتكلم واقول لكم على المعلومات اللي عندي انكم تعتبروني شاهد في القضيه وليد يخرج لانه ما لهوش دعوه باي شيء غير كده احنا ما اتمسكناش واحنا معنا حاجه وان كان على قضيه القتل انا بس اللي قتلت

 ادهم اولا ما ينفعش الكلام اللي بتقوليه لان في تسجيلات تدينك فيها اعترافات لكي يعني هتتكلمي هتتكلمي بس هاوعدك انكم تاخذوا حكموا مخفف اكثر من كذا ما فيش

 عصمت اوكي

 ادهم نبدا بقى التحقيق عايزه اعرف هم كانوا بيخرجوا ازاي الاولاد اللي كانوا بيحجزوهم وايه حكايه المبنى القديم ده

عصمت المبنى ده بيوصل لفيلا اللي بيملكها هو نبيل باشا عن طريق ممر بيوصل ليه من تحت الارض والفيلا دي هو بيعمل فيها الحفلات الخاصه بتاعته والاتفاقات على الصفقات المشبوهه وانا كنت دائما خايفه منهم علشان كده كنت بسجل لهم كل ما تتيح لي الفرصه بس لازم توعدني يا باشا زي ما بتمسكوا الحراميه الصغيرين وتمسكوا الكبار كمان

جلال طيب مين اللي كان بيديك المخدرات قبل ما تعرفيهم

عصمت مراد كان المورد الاساسي لنا هو وضابط في الداخليه اسمه عبد الرحمن

 جلال ومراد ده الباشا الكبير عصمت انا ما اعرفش بس كل اللي اعرفه ان عبد الرحمن ده كان بيمسك القضايا بتاعه المخدرات وقبل ما تحصل الكبسه على التجار كان بيخلي رجالته يروحوا وياخذوا نصف البضاعه ويسيبوا النص الثاني عشان القضيه تتقفل بها وتبقى العمليه ظهره كانها حرب عصابات مع بعض

 ادهم ايوه فهمت وبعد كده الكميه زادت لما اشتغلت معاهم في الدار

عصمت فعلا ده اللي حصل وبقينا ناخذ من الباشا الكميه الزياده
ادهم والبنات اللي بتستخدموها في الدعاره

عصمت كانوا بيصوروهم من غير ما بيعرفوا وبينزلوها على المواقع واللي تجيب اعلى سعر بيبداوا يورطوها في اي شيء بحيث انها تشتغل معاهم برضاها او غصب عنها والفتره الاخيره كان في بنت التطلب عليها عالي جدا لانها جميله وفي نفس الوقت كان في شك انها بنت عيسى السياسيه المعروف فكن عليها السعر زياده من الناحيتين بس الغريبه ان البنت اختفت هي والبنت اللي اسمها منى لان السهام مسكوها وهم الثلاثه شكلهم كانوا يعرفوا عن الدار والشغل بتاعه بس منى دي كانت راجل

 ادهم وعرفت ازاي
عصمت اصل انا كسرت الدولاب ولقيت غيارات داخليه لراجل

ادهم طيب ممكن بقى انت جلال باشا تروح معهم تجيب السيديهات وانا هاروح مشوار مهم وارجع لكم ثاني

جلال تمام يا فندم وسابهم ادهم ومشي على الاجتماع بتاعه مع العميد

العميد.عامل ايه يا اسد وايه اخبارك في الجواز

ادهم. الحمد لله كله تمام

اشرف. الف مبروك يا باشا انت اتجوزت

ادهم. عقبالك انت كمان لما تتجوز الجوازه الثانيه ههههه يا اشرف

اشرف لا جوازه ثانيه ايه انا عارف اسلك في الجوازه الاولى ههههه

العميد خلينا في المهم ايه الاخبار اللي انت جايبها من عند نبيل
و اشرف بدا يحكي لهم كل حاجه وان العمليه الكبيره هتتعمل كمان يومين في حفله عملها نبيل

ادهم. بدا يحكي لهم اللي عرفوا من جلال وعصمت

العميد المعلومات اللي انت جبتها لنا واللي عرفناها دي لازم تخلينا نركز قوي و ونخلي خطه القبض ما فيهاش ثغره يخرجوا منها

ادهم طبعا يا باشا بصوا بقى الخطه
انا والفريق جاهزين خلاص بالنسبه للسكن الجماعي كل حاجه تم تسجيلها بالصوت والصوره وفي فريق قاعد هناك قريب من السكن الجامعي اول ما هياخدوا الاشاره هيعمل اقتحام على طول الفيلا اللي جنبيه

وبالنسبه لناديه انت هتقول لنبيل على مكان ناديه ان هي اتجوزت ادهم اللي معكم في القضيه وانك هتجيبها هديه له بعد انتهاء العمليه الكبيره علشان انت عايز تقدم له الخدمه دي

العميد. . طيب وانت يا ادهم مش كده بتعرض ناديه للخطر

ادهم. ما فيش قدامنا الا الطريقه دي علشان نبيل يطمئن لاشرف اكثر ويدخله معه وانا مخلي المكان هناك امن كويس

والعميد. وانت عملت ايه في حكايه صفحتهم والمواقع الجنسيه بتاعتهم

ادهم. الصفحه خلاص بقى معنا شفرتها وفي نفس الوقت اللي هنقبض عليهم هتقفل الصفحه ما احنا معنا عفروتو

الولد اللي معنا في الاداره معجزه في الكمبيوتر يخترق اي حساب بسهوله

العميد.اوكي شد حيلكم يا رجاله انتم علشان القضيه تبقى ما فيهاش اي ثغره يخرجوا منها

ادهم واشرف ان شاء الله يا فندم وانتهى الاجتماع وكله بدا في تنفيذ المهمه بتاعته

اشرف اتصل على نبيل علشان المعلومات المطلوبه عن ناديه وعلى مكانها وانه هيجيبها بنفسه له علشان تكون هديه منه الى نبيل باشا

نبيل. ماشي يا اشرف و هديه مقبوله منك

ونروح مع ادهم مره ثانيه على القسم عند جلال

جلال اتفضل معي يا ادهم علشان نتفرج على السيديهات

وبداوا يتفرجوا على السيديهات ادهم يا اولاد الكلب معقوله الشخصيات دي ما حدش يتوقع انهم في العصابه دي دي مافيا وهجوم خارجي على البلد بيحطموا اولادها

جلال دي حفلات جنس فيها مخدرات واطفال وبنات وشواذ

ادهم بصي بقى يا جلال انت هتخلي الرؤساء في الاداره يطلعه لنا تصريح بعدم سفر لكل الاشخاص الموجوده في في السيديهات دي لانك انت اللي ماسك القضيه اللي فيها السيديهات وتبدا تطلع اجراءات اقتحام المكان في نفس الوقت اللي احنا هنقتحم فيه المكان وربنا معنا كلنا

جلال ان شاء الله يا فندم

ادهم وبالنسبه لعصمت وليد لازم تتحفظ عليهم في مكان امن لانهم هيحاولوا يخلصوا عليهم

جلال ما تقلقش يا باشا
ادهم اسيبك انا دلوقت ونتقابل بكره في نفس الميعاد

وادهم. اتصل على ناديه

ناديه..ايوه يا حبيبي وحشتيني في شويه الصغيرين اللي انت غبتهم عني

ادهم.. على فكره انا جاي في الطريق مقدرتش ابعد عنك اكثر من كده

ناديه. بجد طيب خلي بالك وانت سائق

سهام في ايه يا بنت عملت ايه في سياده الرائد ادهم خليتيه مش قادر على بعدك

ناديه بتضحك بطلي رخامه بقى وانا هقوم احضر له عشاء مخصوص بايدي

سهام طيب ما بلاش انتي بدل ما يقضي الليله في المستشفى بدل ما يقضيها معكي ههههه

ناديه طيب خليك قاعده انت هنا وانا هاقوم اعمل له حمام وبط ولحمه

سهام بالراحه بالراحه من الاخر هتعملي صينيه كيكه اللي تقدري تعمليه

ناديه ماشي اتفرجي انت بس ورفعت شعرها بطريقه عشوائيه ولبست مريالات المطبخ

 هنيه انتي بتعملي ايه يا ست ناديه ما يصحش الكبير يزعل منا انتي عروسه

ناديه لا ما تخافيش بس انا عايزه اعمل عشاء حلو

هنيه يا ست ناديه انت تنادي علي وانت قاعده مكانك وانا احضر لك احلى عشاء

ناديه لا انا عايزه احضر العشاء ده بيدي للكبير

هنيه قولي كده انا هاقول لك على احلى اكله بيحبها الكبير ياكلها بالليل وهو سهران

ناديه طب يلا بينا نعملها سوا قولي انت على الطريقه وانا هاعملها

هنيه بصي بقى يا ستي وبدات تقول لها على طريقه الاكله اللي بيحبها ادهم وهي حمام محشي بالكبد وبعد فتره من الوقت وصل ادهم وسهام كانت لسه قاعده

سهام منور يا عريس ايه الاخبار

ادهم الاخبار عندك انتي فين عروستي معقوله تكون نامت

سهام نامت ايه يا عم دي بتحضر لك احلى عشاء

ادهم معقوله ناديه في المطبخ وبتحضر عشاء لوحديها ادخل اشوفها ودخل ادهم المطبخ وشاور لهنيه تخرج وتسيبهم وناديه قاعده تغني وهي بتعمل في الاكل وادهم جاء من وراء ظهرها وحضنها وناديه اتخضت

ناديه طيب اتكلم يا ادهم انا اتخضيت والله

ادهم مش بيرد عليها ودافن وشه في رقبتها ويضع قبلات متتاليه على عناقها الابيض يستنشق رحيق شعرها

ناديه ادهم حد يدخل علينا
ادهم ما تقلقيش وشالها ووضعها على الترابيزه حبيبه قلبي عامله لنا عشاء ايه

ناديه عامله حمام بالكبده وطاجن لسان عصفور زي ما انت بتحبه بالضبط بس يا رب يطلع حلو علشان انا اول مره اعمل الاكل ده ادهم انت بتعمل ايه

ادهم يا ستي باكل جعان جدا جدا

ناديه عيب بقى يا ادهم ثم انت مش بتاكل الاكل اهو على الترابيزه مش على شفايفي وادهم اخذها في بوسه طويله معكي حق الواحد ما ينفعش يحلي قبل ما ياكل

ناديه خلاص اطلع خذ الشاور بتاعك وانا هاجيب الاكل وهاطلع فوق وراك
ادهم حاضر وبسها بوسه ثانيه تصبيره لحد ما تطلعي لي فوق
وبيغمز بعينيه
وبعد فتره قصيره من الوقت طلعت ناديه بالصينيه العشاء وكان ادهم بياخذ الشاور بتاعه وخرج وهو لافف نصفه السفلي بفوطه وصدره عاري

وناديه بتبص على عضلات صدره
وادهم اخذها في حضنه وسحابها في بحور عشقه
ناديه طب والعشاء اللي انا حضرته

ادهم اللي احنا هنعمله ده اهم واطعم من الاكل اسكتي بقى علشان احلي ههههه

ناديه ضحكت طيب حلي وذهبوا هم الاثنين في بحور المتعه الحلال
وفعلا ادهم جاء وقضى الليله مع ناديه واخذ هدوم معه وساب ورقه كاتب فيها

معلش يا حبيبتي ما رضيتش اصحيك وما تزعليش علشان هاقفل التليفون وخذي بالك من نفسك علشان خاطري انا لاني باحبك جدا جدا جدا وانت بقيت نبضات قلبي ووتين حياتي

ومشي ادهم وبعديها ناديه صحيت ولقيت الرساله اللي سايبها ادهم
ناديه. طيب كنت صحيين ليه كده بس يا ادهم وقامت صليت الفجر وقعدت تدعي ان ادهم يرجع لها بالسلامه

ما كنتش عارفه انها محتاجه تدعي لنفسها هي كمان

يا ترى دعوتها هتستجاب ولا ربنا كاتب ان يتفرق بينهم والقدر هيلعب لعبته معهم..