الفصل الثاني قبلتهم في طريقي

انقر هنا لبدء الإنشاء الفصل السابع والعشرون😈

وادهم صحي على اتصال من اشرف وادهم اخذ التليفون وطلع في الفرانده بعيد عن ناديه عشان يتكلم براحته ايوه يا اشرف خير

اشرف. معلش بقى انا باتصل بك في الوقت ده بس انا بعيتلك المعلومات اللي انت طلبتها عن نرمين

ادهم. لا ولا يهمك هشوفها وهارد عليك وهاقول لك هنعمل ايه معها

ناديه صحيت على صوت ادهم

ناديه .ادهم انت ايه اللي مصحيك لغايه دلوقت

ادهم. لا انا كنت نائم بس صحيت على رنه التليفون وطلع الرقم غلط اولاد الذين صحوني من احلى نومه

ناديه. ماشي يا قلبي يلا عشان نكمل نوم ولا الفجر جاء وهنقوم نصلي

ادهم.. لا يا حبيبتي نامي انت وانا جاي دلوقت هاشرب علشان نسيت اجيب ميه معي بالليل

ناديه. ماشي يا قلبي وراحت نامت وادهم نزل تحت على المكتب علشان يشوف المعلومات اللي باعثها اشرف

ويشوف المعلومات اللي بعيتها سهام 

وادهم بدا يفتح المعلومات اللي بعثتها سهام والمفاجاه ان الشركه شغاله في السلاح البيولوجي والاوراق بتقول كده وبتاكد ان في سلاح جديد هم عملوه وهيبيعوه لمافيا الفيروسات

ادهم. معقول ايه الناس دي دي حرب فيروسات بقى

على ما اظن كده امجد انتهى تقريبا وسهام حياتها في خطر ولازم اسافر لها في اقرب وقت

وفتح المعلومات اللي بعثها اشرف عن نرمين لقاها كلها معلومات صحيحه زي ما هي قالت بس اللي لفت نظر وه وتاريخ قسيمه الجواز قديمه جدا وسنها المفروض يكون كبير انما الشخص اللي هم شافوه لسه صغيره في السن لا ده العمليه كده فيها ان

وعارف ان تخصص جوزها كان في علم الوراثه ادهم بيكلم نفسه يا ترى ايه علاقته هو كمان بالشركه الشركه دي اساسا الاستيراد والتصدير الادويه لا دي شكل البنت دي وراها اسرار كثير هي ما قالتهاش كلها

ادهم اتصل على اشرف

ادهم. من بكره يا اشرف تاخذ مقر جديد علشان نقابل في نرمين على انه هو ده المقر بتاع الاجتماعات بتاعتنا مؤقتا لما نشوف المعلومات اللي عندها ايه لا تطلع شغاله هي الثانيه مع الشركه وعملوا الحركه دي على شان يعرفوا احنا وصلنا لغايه فين ومين هو الاسد وما تنساش تحط فيها شويه اوراق ما لهمش لازمه

اشرف. جايز برده احنا هناخد احتياطاتنا وما تقلقش احضره كانه مقر فعلا بنستعمله طيب وسهام هتعمل معها ايه

ادهم. لما نعرف المعلومات اللي مع نرمين هنشوف هنعمل ايه بس كل اللي اعرفه ان انا هاسافر الفتره اللي جايه دي لان حياتها فعلا بقت في خطر

وبعد كده ادهم قفلق الايميلات بتاعته وطلع عند ناديه الكبيره ينام وهو بيفكر هيعمل ايه في القضيه دي

ناديه. نام يا ادهم وما تفكرش كثير ان شاء الله ربنا هيحلها

بقى لك فتره كبيره ما شفتش منك القلق ده خير ان شاء الله

ادهم..لا يا حبيبتي انا فكرت في حاجه بس كان في صفقه جديده كده كنت عايزه اخذها شاغله بالي بس جاءت ما جاءتش مش مهم الشركه مش هتقف عليها ويلا خلينا ننام

وناديه عملت نفسها نامت وهي عارفه ان ادهم بيفكر في قضيه جديده لانها عرفت من زمان ان هو رجع يشتغل في المخابرات متخفي ما حبتش تقول له علشان ما يرجعش في قراره ويفضل شغال الشغل اللي هو بيحبها وهي عارفه ومتاكده انه يقدر يحميها ويحميه اولادهم وافتكرت ناديه عرفت ازاي

فلاش باك

ناديه بتكلم سهام

ناديه.. الايام دي ادهم بيتاخر كثير قوي بره انا خايفه يكون بيخوني ده انا كنت اموت لو حاجه زي كده صحيحه

سهام. اولا استحاله ادهم يخونك يا بنتي ده بيحبك جامد ده مش عايز يجيب اولاد ثاني علشان خائف عليك

ناديه. ما هو انا خايفه يكون يتجوز عشان يجيب بيبي جديد ما تنسيش انهم من الصعيد وهم بيحبوا العزوه والاولاد الكثير غير كده يمكن يكون عايز يجيب ولد علشان يبقى امتداد لاسمه واسم عيلته

سهام.استهدي بالله و بطلي دماغك اللي ما بتشتغلش خالص الا في النكد يا بنتي ده اخذك معه الشركه يعني انت موجوده معه ليل ونهار بطلي جنانك ده شويه

ناديه. خلاص اقفلي احسن ادهم جاء سلام

ناديه... صباح الفل يا ادهم باشا انت عارف الساعه كم

ادهم يا خبر الساعه 3:00 فعلا اسف

ناديه انا عايزه اعرف انت بتتاخر بره كده ليه احنا مخلصين الشغل في الشركه سوا وانت قلت مشوار صغير وهرجع رد علي يا استاذ

ادهم. حاضر وراح باسها وشالها قعدها على رجليه

ناديه. على فكره انا مش هاكل من الحركات دي صدقني يا ادهم هازعلك

ادهم. و اهون عليكي تزعلني وانا راجع تعبان كده وقعد يبوس في رقبتها

ناديه ما هو انا عايزه اعرف ايه اللي بيخليك ترجعلي تعبان كده

ادهم.  تعالى بس يا ناديه كده خلينا ننام والصبح انا هاقول لك كل حاجه وسحابها معه في بحور عشقوا وبعد فتره من الوقت اخذ الشاور ونام ناديه ماشي يا ادهم مش هتاكل عقلي بالحركات دي

وناديه قامت بعد ما ادهم نام مسكت التليفون بتاعه اللي هي طبعا متوقعه الرمز بتاعه ناديه طبعا

وبدات تقلب فيه وفتحت الايميلات ولقيت عليه المحادثات بيني وبين اشرف واوراق اللي كان اشرف بيبعثهاله علشان  القضيه اللي هم ماسكينها في الوقت ده وانه كان عندهم اقتحام النهارده على مخازن العصابه

ناديه حبيب قلبي ظلمتك كنت فاكراك بتخوني اتريك بتعمل شغلك وانت متخفي ده كله علشان خائف علينا كنت هتسيبي الشغل اللي انت بتحبه بس ما قدرتش

طيب انا اعمل ايه دلوقت اقول له ان عرفت ولا اسكت

ناديه. لازم اسكت معرفوش ان انا عرفت عشان هو  لوعارف هيسيب الشغل خالص ودي الحاجه اللي بيحب يعملها على طول

عوده دلوقت الحاضر

بعد ما ناديه افتكرت اللي فات ناديه لسه بتكلم نفسها وبتقول يا رب تخلص القضيه دي على خير زي اللي فاتوا وما يصيبك  يا ادهم اي مكروه هي ما تعرفش ان سهام فيها وراحت في النوم وهي بتدعي لحبيبها ورفيق عمرها

ومع ظهور اشعه الشمس الذهبيه وصلت على شباك ناديه وهي لسه بتفرك عينيها زي الاطفال بيديها

ادهم حبيبه قلبي اللي بقيت كسلانه و ما بتشبعش نوم خالص لدرجه انها بتنسي تاكل

ناديه.  احلى صباح دائما يا قلبي ما بيحلو  يومي الا لما انت بتصبح على واو واو النهارده جايب لي الفطار والعصير اللي باحبه وكمان الورد الجوري لا النهارده شكله هيبقى يوم رومانسي

ادهم..طيب وانا اعمل ايه وانا حسيت  انك مش بتاكلي لازم اجيبلك الفطار واتاكد انك فطرتي واخذت الفيتامينات بتاعتك

ناديه . ربنا يخليك لي يا قلبي وتفضل على طول سبب سعادتي باحبك كثير قوي

ادهم. ويخليك لي يا عمري انا باعشقك وبس بطنها صباح الفل يا حبايبي اشتقت اشوفكم واشيلكم بين يدي

ناديه الصغيره خبطت على الباب بابا حبيبي ادخل

ادهم. ادخلي يا نودي عايزه ايه يا قلبي وصاحيه ليه بدري قوي كده يوم اجازتك

ناديه الصغيره. قلبك ايه بقى انا خلاص راحت على انت جبت الفطار لناديه الكبيره عشان تفطر هي واخواتي ونسيتني انا

ادهم  ادهم شال ناديه الصغيره يلا بينا ننزل علشان تفطري الفطار اللي انا محضره مخصوص لنور حياتي ونبضات قلبي ونسيب ناديه الكبيره علشان تفطر وتلبس علشان تروح الشركه بتاعتها

ناديه الصغيره يلا يا بابا يا حبيبي يحسن انا جعانه وعايزه افطار وبتبص لناديه الكبيره وبتضحك وتغمز لها ده انا كل ده يا بابا يا حبيبي سيب شويه لماما

ناديه انتي طالعه نسخه من باباك كلك على بعضك ما فكيش الا اللسان بس بس بينقط عسل

ناديه الصغيره وعنيده وكيوت ودلوعه زي مامتي ورميت بوسه لناديه

ونزل ادهم وناديه الصغيره على اوضه السفره وكانت قاعده فيها الحاجه ام ادهم

ادهم بصي بقى يا اميرتي انا محضر لكي الفطار واعمل لكي اللبن ورسم لك عليه قلب بالشوكولاته زي ما انت بتحبي

ناديه الصغيره. بابا حبيبي اللي مش بينسى اي حاجه بحبها حتى عامل لتيته الاكل اللي هي بتحبه ربنا يخليك لنا يا رب

ادهم حبيبتي انت نور حياتي وقرب على يد الحاجه وباسها امي الغاليه اللي دائما طالب رضاها

الحاج حنان راضيه عنك يا ابني ربنا يسعدك ويسترها معك دنيا واخره ويديم عليك الصحه والسعاده

ادهم بعد كل الدعوات دي اكيد هافوت في الحديد ومش هيحصل لي حاجه

ناديه الصغيره بابا حبيبي اللي دائما بيحب يعمل الحاجات اللي بتخلينا سعداء

ادهم. طيب ما هو ما ينفعش انسى اي حاجه من اللي بيحبوها حبايبي

مامت ادهم. والله يا ولدي ما كان له لزوم اياك فاكرني من الحموات اللي بتغير من مرات ابنها لما يدلعها

ادهم.. لا يا قلبي بس انت ياما دلعتيني مستكتره اني ادلعك شويه

مامت ادهم. ربنا يسعدك يا ولدي ويفرحك باولادك ويديك طوله العمر ويريح قلبك زي ما بتريحني كده على طول

وناديه الكبيره نزلت. وانا ما ليش دعوه حلوه يا حاجه

مامت ادهم. ده انت لكي كل الحلو كفايه انك مرات الغالي

تعال لما احضنك و واحضن احفاد وانت كمان يا نودي

وقعد كلهم بيضحكم فرحانين

ناديه الكبيره.. انت بكره اخر يوم في امتحاناتك يا نودي

ايه رايك بعد كده تروحي تقعدي يومين في البلد انت وتيته ومروان وطنط صفيه

ادهم.. طب وليه يا ناديه ما كده كده بعد ولادتك احنا هنروح هناك

ناديه. تغيير جو ايه رايك يا ماما

مامت ادهم. افكر وارد عليكم لما ترجعوا من الشغل يلا بقى علشان متتاخروش وانت يا نودي يلا مروان جاء علشان كلها شويه و مدرس بتاعكم يجيء علشان الدرس

ناديه الصغيره ومروان خلاص احنا هنلعب شويه لحد ما هو يجي

وكله مش وراح على مشاويره والحاجه قاعده في البيت

الحاجه... يا رب اجعل السبب خير ناديه مش هتقول كده الا لو هي خايفه من حاجه

ادهم حبيبتي انت هتروحي الشركه وانا هاغيب ساعه وهاجي على طول علشان عندي مشوار مهم ورق هاخلصه ولازم انا اللي اعمله بنفسي

ناديه خلاص يا حبيبي وطلعت ناديه عند السكرتيره فوق وبدات شغلها

ونسيبهم ونروح عند ادهم في الاجتماع بتاعه مع نرمين واشرف في الشقه الجديده الى اجرها اشرف وخلاها مقر للاجتماعات

وادهم اتصل على اشرف. يا اشرف هي معك دلوقت

اشرف. ايوه قاعدين مستنيينك

ادهم.. انا في الطريق ووصل ادهم ودخل عندهم وبدا يتكلم

ادهم. انا هاسالك انت مين

نرمين. ازاي يعني انا مرات الدكتور

ادهم..ماشي انت مصممه انك ما تقوليش انت مين دي قسيمه الجواز بتاعه الدكتور وده تم من 30 سنه يعني المفروض انك عندك 46 او اكثر او اقل حاجه بسيطه

نرمين.. بص انا هاقول لك الحقيقه بس الله يخليك تساعدني وتقف جنبي علشان انا مظلومه وما عملتش حاجه وهم اللي ورطوني في ده

ادهم اللي هو ايه ده بقى

اشرف ما انت لازم تحكي لنا علشان نشتغل صح ونقدر نحميك ونطلعك من الورطه اللي انتي فيها ايا كانت

نرمين انا هاقولكم على كل حاجه ودي قسيمه الجواز العرفي بيني وبين الدكتور بتاريخ اليوم اللي هو مات فيه والله انامراته وحظي الفقري اني اتجوزته في اليوم ده

 انا هاقول لكم الحقيقه كلها انا من اقارب مرات الدكتور  وانا ما ليش احد وهم اللي ربوني بعد بابا وماما  مرات الدكتور ادهم تبقى بنت عم بابا  علشان كده في شبه كبير بيني وبينها ولما كبرت وهم مخلفوش  طلبت مني اني اجيب لهم البيبي لان الدكتور كان بيخلف في وقت ده جاء ميعاد رد الجميل وهو اني اتجوز الدكتور واجيب له البيبي اللي هو عايزه وكان هيتكتب باسمي عادي بس هم اللي هيربوه

ولاجل الحظ هو مات ليله الدخله هي كانت معنا في البيت فهي ماتت وانا استخبيت لغايه لما هم مشوا وعرفت من كلامهم انهم بيدوروا على سيديهات واوراق مهمه تبع الدكتور بس ما عرفوش يوصلوا للخزنه السريه بس انا كنت عارفاها وعارفه ارقامها السريه لانهم كانوا بيتكلموا قدامي على اي ع سر خاص بشغلهم او ابحاثهم علشان كانوا بيعتبروني لحد وقت معين اني انا بنتهم فهم مشيوا وانا رحت على الخزنه السريه وفتحتها واخذت الاوراق والسيديهات وطلعت اجري بس هم طبعا بيدوروا على علشان عارفين اني معي السديهات والاوراق بتاعت البحث

وهي دي السيديهات والاوراق اللازمه لو انا بالكذب ما كنتش جبتها

وعلى فكره دي طريقه تصنيع الفيروس ودي طريقه صنع المصل المعالج ليه لان الدكتور والدكتوره كانوا شغالين على البحث ده وصلوا فعلا للنتائج النهائيه

ادهم. ليه هو الدكتور جربوا على احد

نرمين. ايوه جربه على شخص كانت الشركه دافع له اصل هو كان عامله علشان العقم بيقول انه له تاثير علي حته معينه في الجسم عند الرجل والست ولكن لاحظ ان فيه حاجات ثانيه بتظهر  على المخ والاعصاب يعني الانسان بيحس زاي عنده هستيريا ممكن في الحاله دي تسيطر عليه وتخليه يموت نفسه او يقتل اي حد يعني بيبقى عامل زي اله شغاله بس علشان الجنس او القتل

ادهم.  وطبعا الشركه كانت عارفه ده وحبت تعمل جيش زي ده بالضبط

نرمين. بس الدكتور ما رضيش يديهم سر التركيبه لما عرف ان الاعراض هتكون كده وفي يوم جاء اتصال بيهددوه في بالقتل والدكتوره خافت وكانت عايزه تديهم التركيبه ولكن الدكتور رفض وقال لها ان العمر بيد الله واحنا ما عندناش اولاد نخاف عليهم 

الدكتوره خلاص احنا نجهز الباسبورات بتاعتنا ونطلع خارج البلد 

وفعلا الدكتور بدا يحضر في الاوراق والباسبورات بتاعتهم والتاشيره من غير ما احد يعرف ومره الايام وفي الوقت ده كان الدكتور بيراوغ مع الشركه وفهمهم انه هيديهم البحث اول ما يخلص وياخذ مبلغ من المال كبير جدا وفعلا الشركه صدقت واعطوا له شنطه فيها 100,000 جنيه كبدايه اتفاق وكان الدكتور خلاص صرف نظره عن الجواز مني لانه خاف يجيب اولاد ويموت ويسيبهم ولكن الدكتوره صممت انه يتمم جوازنا واول ما يسافروا هيبعثوا لي والدكتور اقتنع وفهمني انه هيبعث لي علشان اروح لهم اول ما يستقروا المهم انا ما اعرفش الشركه عرفت ازاي انه هيسافر وبعد فتره نفذوا تهددهم بس معرفوش ياخذوا التركيبه. لاني انا كنت عارفه مكانها اخذتها و هربت

ادهم اخذ السديهات وتفرج عليها هو واشرف وعمل  نسخه وخلاها معه بس عمل تعديل في النسخه الاصليه غير فيها حاجه بسيطه بحيث انها تعجز عمليات التصنيع لانه متوقع انها تطلب منه في حاله استرداد سهام

ادهم بعد ما شاف السيديهات اللي دكتور بيشرح فيها

.لازم نرمين تقعد معك يا اشرف متخرجش بره وتغير من شكلها علشان ما حدش يعرفها او تلبس النقاب

اشرف. طيب هي هتقعد معي بصفه ايه الجيران يعني هيقولوا ايه

ادهم. قل لهم انها مراتك وانك اتجوزتها اتصرف يا اشرف

نرمين احسن برده انا مش بانام بابقى خائفه لا في اي وقت يدخلوا علي

اشرف ما تقلقيش خلاص يا فندم هاقول انها امراتي

ادهم على فكره انا هسافر تجهز لي الورق بتاعي انا و عفروتو باسم فارس واحمد

اشرف. كل حاجه هتكون جاهزه خلال ساعتين من دلوقت هاخلصها وانا في طريقي هاوصل نرمين للبيت عندي

نرمين بس انا ما اجيبش الشنطه بتاعتي من المكان اللي كنت قاعده فيه

اشرف مش مشكله البسي من هدوم امراتي هي تقريبا مقاسك

نرمين ايه ده انت متجوز اكيد امراتك هتضايق مني احنا ممكن نشوف حل ثاني

اشرف الله يرحمها انا قاعد لوحدي

نرمين الله يرحمها انا اسفه اني فكرتك

اشرف مش مشكله

ادهم. خير ان شاء الله ومسك كتف اشرف انا هامشي دلوقت وهبلغ عفروتو وانا ماشي في طريق وانت جاهز كل حاجه ونفذ المطلوب واتصل بي

وادهم راح الشركه و اتصل ب عفروتو ورتب معه كل حاجه

ادهم.. مدام ناديه جوه

السكرتيره. لا روحت يا فندم وقالت لما حضرتك تيجي نبلغ حضرتك انها روحت بس هي مش تعبانه علشان حضرتك ما تقلقش وهي مش هترجع النهارده

ادهم. ماشي جهزي الاجتماع بكل المديرين اللي في الشركه

السكرتيره.  حاضر يا فندم ونوصل البث المباشر طبعا بمدام ناديه اون لاين

ادهم. طبعا وهي دي جديده يلا بقى خلصي بسرعه علشان انا مشغول جدا

ونسيبهم هنروح عند ناديه في البيت هي والحاجه وصفيه

ناديه.. ماما الحاجه لازم تسافري انت وناديه الصغيره وتاخذي مروان وصفيه معك وانا هقعد هنا مع ادهم

مامت ادهم..انت هتيجي معنا انت كمان ما هو انا لا يمكن اسيبك لوحدك

ناديه. مش هينفع احنا بدئين صفقه جديده ومهمه اول ما تخلص هاجي على طول ما هو احنا لو سبناها الشركه هتخسر كثير

وهنا دخلت صفيه. ما تخافيش يا مرات عمي انا هقعد معها وهنبقى نيجي سوا

بس انت امش وخذيه مروان معك علشان ناديه مش هتعرف تقعد من غير مروان واحنا هنبقى نيجي اول ما هي تخلص الشغل وكده كده مصطفى جوزي قاعد معنا وهنيجي احنا الثلاثه

ناديه. شكرا لك يا صفيه تنوريني. طيب اسيبكم انا واروح اشوف الاجتماع اللي عامله  ادهم ضروري دلوقت

وناديه دخلت الاجتماع وادهم بدا يشرح خطه التسويق في المرحله اللي جايه دي لانه هيغيب لمده اسبوع وكله فهم اللي ادهم عايز يقولوا و هيبداوا الشغل بالخطه الجديده من اول بكره

والاجتماع انتهى وخرجت ناديه عند مامت ادهم وصفيه

ناديه. ادهم مسافر علشان كده هو كان عامل اجتماع

مامت ادهم. خلاص يا بنتي احنا مش هنسافر هنقعد سوا هنا

ناديه.. خلاص يا ماما وانت يا صفيه  تعالى اليومين دول بقى اقعدي معنا هنا انتي  ومصطفى

صفيه. ماشي النهارده مصطفى لما يجي هاقول له ونيجي من اول بكره

وادهم رجع ولقاهاهم كلهم مجتمعين

ادهم.. اكيد طبعا ناديه قالت لكم ان انا مسافر فرنسا هغيب يومين ثلاثه  كثير قوي اسبوع عايزكم تاخذوا بالكم من بعض وبالذات تاخذوا بالكم من ناديه الكبير علشان البيبيهات انا لولا ان السفر ضروري ما كنتش سافرت

الحاجه.. تروح وترجع بالسلامه يا ولدي

ناديه. انا هطلع احضر الشنطه

ادهم. استني خذني معك وطلعوا هم الاثنين فوق

ادهم... مش عايزك تزعلي علشان اسافر وانا مطمئن عليك

ناديه..ومين قال لك اللي انا زعلانه بس اوعدني انك كل يوم تتصل بي قبل ما انام واول ما اصحى علشان اقدر اعيش الايام دي في غيابك

ادهم. اوعدك يا عمري واخذها في قبله طويله وبعد عنها لما جاءله اتصال

واتصل اشرف بادهم وبلغوا ان معاد الطياره بعد ساعتين من دلوقت يعني يادوبك يروح المطار

وادهم اوكي سلم انت الباسبورات لاحمد وانا هاخذها منه اول هاوصل المطار  ومشي ادهم بعد ما سلم عليهم كلهم

ناديه يا رب رجعه لي بخير علشان اولاده ومامته وقعدت تصلي وتدعي ربنا وبعد فتره من الوقت ناديه جاء لها تليفون لا مستحيل ادهم 

 وصفيه بتجري خير يا ناديه في ايه

 ناديه ادهم وفقدت الوعي بين يد صفيه ومصطفى اللي دخل يجري والدموع والاحزان اصبحت موجوده في اجواء المكان.