الفصل الثاني قبلتهم في طريقي

انقر هنا لبدء الإنشاء .الفصل الث 

وادهم بيحاول يسيطر على العربيه لحد ما فجاه خبط في الشجره والكبوت اترفع والكوتشات فرقعات

ناديه مسكت في ادهم جامد ايه اللي حصل

ادهم عادي شكل نسيت احط ميه في العربيه

ناديه واللي فرقع ده مره واحده ايه

 ادهم كاوتش العربيه خليك جوه وانا هانزل اغير الكوتشات واول ما العربيه تبرد هاحط ميه لها علشان زي ما انت شايفه المنطقه مقطوعه

ناديه يعني ممكن نلاقي هنا ذئب

ادهم احتمال بس ما تقلقيش اقفلي بس باب العربيه وفعلا ادهم نزل غير الكاوتش وضبط العربيه

ناديه خلاص كده كله تمام بس ايه العيون اللي بتلمعي اللي جايه علينا ده

ادهم شكله كده ذئب اقفلي الباب وما تفتحيش مهما حصل 

ناديه طيب ما تطلع مش انت خلصت

ادهم لسه باربط في الكاوتشات وهنا هجم عليه وادهم طلع المسدس وضربه 

ناديه خلصت يا ادهم اطلع بقى ربما يكون جاي معه ذئاب ثانيه

ادهم خلاص خلصت  يلا بينا وطلع بالعربيه

ناديه. انت هتودينا فين بالضبط 

ادهم. هوديك الصعيد عند والدتي والعيله بتاعتي هم هناك هيقدروا يهتموا ويحفظه عليكي طول ما انا في الاداره

ناديه طيب وانا هاروح هناك وهم هيسالوك مين دي هتقول لهم ايه

ادهم. هاقول لهم دي خطيبتي كنا هنتجوز بس والدها توفى وما لهاش حد خفت اسيبها لوحدها فاجبتها هنا لحد ما نتمم  الجواز

ناديه. فكره كويسه وسبب مقنع بس انت ما قلتليش انت لما رحت اتكلمت انت وبابا في ايه

ادهم. هاحكي لك يا ستي وادي احنا بنتسلى في الطريق وادهم بدا يحكي لها كل الحوار اللي حصل بينه وبين عيسى الله يرحمه

ناديه علشان كده انت بتحميني لان بابا طلب منك كده وانت اديته الوعد انك تحافظ علي

ادهم. ده واحد من الاسباب بس في اسباب ثانيه بس مش هتعرفيها دلوقت كل حاجه عندي في وقتها بتبقى احسن

ناديه. مش مشكله بس انا كنت فاكره ان اونكل نبيل انسان كويس زي بابا بالضبط ما كنتش عارفه انه بيفكر بالطريقه الوحشه دي

ادهم هو حاول قبل كده يعني يتحرش بكى وعينيه بتطلع شرار

ناديه. على الكلام اللي بابا بيقولوا يبقى طبعا بس انا كنت فاكراه ان هو مش يقصد حاجه كنت باعتبره زي بابا

ادهم  خبط التابلو بتاع العربيه بيده انتي تسكتي خالص هو انت ما كنتيش دريانه بالدنيا ما تعرفيش حاجه خالص اول مره اشوف واحده في سنك ما بتفهمش

ناديه. على فكره ارجوك ما تزعقش وبتعيط علشان انا نفسيتي تعبانه لوحديها و بحاول اعيش دور ان انا جامده وده مش ذنبي جدتي هي اللي ربتني وهي قالت لي ان كل ناس كويسين واني مسيء الظن في حد ما اثبتش عكس ده لان بعض الظن اثم

وبابا الله يرحمه حبسني في الكتب والكتب عمرها ما قالت ان الناس وحشه وتحرش والكلام ده يعني حتى ماما الفتره اللي عشت فيها معها كل حاجه عادي عمرها ما قالت لي ده عيب او حرام انا ما عرفتش على الموضوع ده الا لما رحت السكن الجامعي وسهام هي اللي فهمتني

ادهم. انتي استحاله تكوني عندك 20 سنه ومامتك المتحرره دي ازاي ما تعرفيش حاجه

ناديه اولا انا مش 20 سنه انا 19 وشهرين بس بقول 20 وخلص وانا دلوقت فهمت كل حاجه واللي هيحاول يلمسني هاكله باسناني هاقطعه حتت حتت

ادهم يا سلام باقول لكي ايه انتي تريحي راسك الي وراء كده وتروحي نائمه احسن

ناديه. ماشي بس على فكره بابا ارتاحلك جدا علشان كده طلب منك الاهتمام بي واكيد كان في موضوع مهم بابا خائف منه اكيد هنعرفه لما نقرا المذكرات ونسمع السيديهات

ادهم. اول ما نوصل البلد هنتفرج على السيديهات سوا وبعد كده هنفكر هنعمل ايه بس ياريت في غيابي ما تعمليش اي مشاكل و تسمعي كلام والدتي و ما تقوليش ادهم تقولي يا كبير زي ما كلهم بيقولوا ممنوع الست تنطق اسم الكبير بتاع العيله

ناديه. ماشي بس مضمنش عشان انا ساعات بنسى

ادهم خلاص وانت استحمليه الحاجه هترد عليك وتقول لك ايه هههه على فكره هي خلقها ضيق جدا وغضبها وحش والعقاب شديد

وناديه ربنا يستر وسندات راسها وراحت في النوم شويه لانها نفسيتها تعبانه من كل اللي حصل لها في اليومين دول

ونسيبهم ونروح عند السكن الجامعي والمطافي بتحاول اطفاء الحريق وانتشال جثث البنات اللي اتفحمت والاسعاف بتنقل الجرحى والمصابين

وعصمت اول مره تنزل دمعه من عيونها وبتكلم نفسها اكيد هم اللي عملوا كده علشان يخلصوا من الاوراق والسجلات الموجوده في المبنى القديم بس على مين كويس اني كنت واخذه نسخ من الاوراق والسيديهات بتاعتهم يمكن احتاجها في يوم وهنا جاء لها اتصال من وليد وبلغها باللي حصل وانه تم القبض على عتريس والبضاعه نصفها متخزن ومستنيين منها الجديد

عصمت انا جايه لكم كده كده في الطريق ما تعملوش حاجه الا لما اجي بس طمني في احد من رجالتنا اتمسك او عتريس شم خبر

وليد لا اطمئني كله تمام بس اكيد كده هيعرف لما يتكتب في التقرير بتاع الحكومه انهم مسكوا 25 كيلو مش 50

عصمت ما تقلقش كله هيخلص يمكن قبل ما يعرف كمان اقفل هاكلمك اول ما اوصل

ونرجع مره ثانيه في الصعيد عند ادهم

وصل ادهم وناديه الى الصعيد و طبعا الكل اتفاجئ بدخوله  هو وهي وكان هناك بنت عمه صفيه اللي كان الكل راسم انها تكون مراته المستقبليه وامراه عمه كانت هناك لانهم كانوا عايشين في بيت واحد كبير ضامم العيله كلها

ادهم. سلام عليكم وطبعا داخله وراء ناديه سلام عليكم

والده ادهم. وعليكم السلام يا ولدي مين ده

ادهم. دي خطيبتي يا والدتي بس الاول طلعيها في اوضه علشان ترتاح وانا هحكي لكي الموضوع كله قدام العيله

صفيه..اتفضل يا سنيوره لغايه لما نشوف حكايتك ايه

ناديه. انا مش سنيوره انا ناديه

صفيه حصل لنا الشرف وانت اتعرف عليك من انهي مصيبه

ناديه شكرا هي دي اوضتي طيب والحمام فين

صفيه. عندك هناك اهو وسبتها ومشت وراحت رازعه الباب وراها

ناديه.  دي مالها كرهاني كده ليه يلا هم يومين وهامشي

بس انا مش معي هدوم وعايزه اخذ شاور وخرجت تدور على حد وفتحت اوضه ادهم اكيد الاوضه بتاعته وفتحت الدولاب اخذت من عنده قميص علشان تلبسه

وراحت خدته واخذت الشاور و لبست القميص وفضلت قاعده مكانها ناديه ايه الملل ده هم مش هيندهوا لي ولا هافضل قاعده هنا

نروح عند ادهم وهو بيحكي للعيله من هي ناديه

ادهم.. دي هتبقى خطيبتي وكنا هنتجوز طبعا بعد ما اقول لكم بس والدها مات وهي ما لهاش حد فانا خفت عليها وجبتها تقعد في وسطيكم هنا لحد ما نيتمم الجواز

عمو. طيب وهو ده ينفع تجيب لنا واحده ما.نعرفش اصلها وفصلها يا كبير وتدخلها وسطينا

ادهم.ومين قال لك كده دي من عيله كبيره قوي وتقرب للواء فهمي مديري في المديريه بس من بعيد شويه ادهم عمره ما يختار حاجه تضر العيله

عندك اعتراض يا عمي على النسب ده

عم. ادهم.لا يا كبير بس لازم نستعجله من الفرح ما ينفعش تقعد انت وهي تحت سقف واحد كده احنا قاعدين معكم بس برده كلام الناس واعر

والده ادهم. الجواز الخميس الجاي وانا ها طيب خاطرها شويه ان احنا مستنيناش لما يعدي على ابوها كثير بس هي دي الاصول يا ولدي

ادهم طيب سيبيني انا اقول لها الاول وبعد كده نحدد ميعاد الفرح

مامت ادهم. خلص الكلام يا كبير وده فرح ولدي وهيتعمل الخميس الجاي وبلغها بكده

وفجاه وهم قاعدين سمعوا صوت ناديه وهي بتنده على ادهم

والده ادهم. كانها اتجنن دي ازاي تناديلك باسمك و الحق يا ولد شوفها وخليها تسكت قبل ما الشغالين في السرايا يسمعوها بتقول لك باسمك كانها تجنت والله

ادهم استنى عندك يا ناديه انا طالع لكي اوعى تنزلي شكلي هاتعب معكي عقبال ما افهمك الاصول

ناديه طلعت تجري على الاوضه لانها خافت من صوته وصوت مامته الحاجه

ادهم. افتحي يا ناديه بدل ما اكسر ام الباب ده

ناديه. لا انا خائفه منك انت هتضربني

ادهم يا بنت والله ما هاعمل لكي حاجه افتحي بدل ما الباب اكسره وساعتها بجد هاكسر دماغك

ناديه فتحت الباب وهي مغمضه عينيها لانها خايفه من ادهم

ادهم بيبلع ريقه ايه الجمال ده قصدي اللي منزلك تحت باللي انت لابساه ده لابسه القميص بتاعي وناديه شالت يديها وفجاه شعرها نزل شلالات من الحرير

ادهم مسك نفسه ايه البنت القمر دي

ناديه. ما هو اصلا انا ما لقيتش حاجه البسها هنا خالص دخلت اوضه لقيتها الاوضه بتاعتك اخذت منها قميص وطلعت

ادهم طيب اندهي واحنا نجيبلك لبس

ناديه ما هو انا ما اعرفش احد هنا الا انت ناديت ادهم

ادهم خلاص واوعي تنسي ثاني مره انا الكبير

ناديه حاضر يا كبير 

وادهم لا حاولي تتخني صوتك شويه بلاش الرقه دي علشان 

ناديه علشان ايه مش فاهمه هههه

ادهم لا انا امشي احسن وراح جاب لها جلابيه من بتاعه صفيه

ناديه  الله جلابيه زي اللي بيطلعوا بها في التلفزيون في المسلسلات الريفيه

ادهم.. خشي البسي وانزلي تحت علشان اعرفك على العيله بتاعتي بس اوعي تقولي اسمي انا الكبير

وفعلا لبست ناديه الجلابيه ونزلت تحت وادهم وقف متنح وبيبص على ناديه قد ايه شكلها حلو فيها مصفيه بتلبسها على طول بس شكلها عادي البنت دي شكلها هتتعبني جدا

ناديه. يا كبير مش هتعرفني على العيله بتاعتك يا كبير رد علي في ايه

ادهم. طالعه من بقك زي العسل

ناديه نعم انت بتقول حاجه يا كبير

ادهم اه اه اعرفك دي والدتي وده عمي ودي مرات عمي ودي صفيه بنت عمي وهنا دخل محسن وانا ابن عمه ايه القمر دي الساعه كم علشان القمر ينزل هنا عندنا في القصر

ادهم محسن احترم نفسك دي مرات الكبير

محسن معلش يا كبير ما كنتش اعرف وبيبص لصفيه

ناديه  قربت على مامت ادهم وباست ايديها ممكن اقول لك يا ماما

والده ادهم.باين عليها صح تعرف الاصول تعالى يا حبيبتي في حضني قولي ماما

وسلمت على عمو وباست يديه تشرفت بمعرفتك يا عمي 

عم ادهم الشرف لي يا بنتي نورت عيلتنا 

ناديه وحضرتك ممكن اقول لك امراه عمي وباست يديها وسلمت على صفيه وجاءت تسلم على محسن

ادهم. كفايه كده سلمي عليه من غير ما تمد ايديك

ناديه حاضر يا كبير ازيك يا محسن

محسن. ايه يا جدعان هو انا اسمي حلو كده هههه

ادهم. خلاص انا  فرحي انا وناديه الخميس الجاي  هغبيب يومين وهارجع وانتم حضروا الفرح ماشي يا عمي وانت ياحاجه تشوفها  كل حاجه اللي ماتعجبكيش يغيروها على طول وعندك العروسه روح هات لها الشوار اللي يعجبك واللبس يكون حسب عوايدنا بس يكون مودرن على الموضه  ناديه ما تعرفش تلبس الجلباب الفلاحي على طول

الحاجه عارفه يا ولدي اللبس اللي هتختاره هيكون حشمه وعلى الموضه ما تقلقش امك ذوقها حلو

ادهم بيبص لقى محسن عينه على ناديه

ادهم هات لها نقاب احسن ولا ايه رايك يا محسن

محسن لا حرام قصدي لازم تلبس نقاب

ناديه. بتبص وهي ساكته طيب ممكن يا كبير نتكلم شويه قبل ما تسافر

ادهم ماشي اتفضلي ورايا على اوضه المكتب

ونسيبهم ونروح عند عفاف ومراد

عفاف ودي هنستفيد منها ازاي

 مراد انا هاقول لك عمليه بسيطه هنعملها من وراء الباشا الكبير انت هتاخذي قرشين وانا قرشين

 عفاف يعني هنعمل ايه بالضبط 

مراد هنبيعها اعضاء ولا ايه يا دكتور

 الدكتور انا ما ليش فيه انا علي باطلع الاعضاء وانتم بتبيعوها وانا باخذ نسبتي ايا كان اللي هياخذ الفلوس دي 

عفاف يبقى كده اتفقنا 

وهنا دخل البودي جارد الحق يا مراد باشا 

مراد في ايه تكلم يا زفت 

الحارس جاءت لنا المعلومات نتيجه التحريات عن البنت دي دي طلعت سهام فتحي الصحفيه اللي كانت بتبحث في قضيه امل اختها علشان تثبت برائتها 

مراد ايوه ايوه يا ترى عرفت ايه عنها بقى 

عفاف ها لسه هنقطعها 

مراد لا نستنى شويه بقى ويا ريت يا دكتور تحاول تعالجها وتفوقها علشان نعرف نتعامل ونعرف الاخبار منها

عفاف اه لو تعرف انك السبب في اللي حصل لامل اختها

مراد لا بس هي كانت تستاهل كانت عامله زي الملاك البريئه على الارض

فاطمه بتميل على الحارس قال يعني هم عاتقين ملاك ولا شيطان

الحارس اسكتي لا يسمعك

مراد بس البنت اللي اسمها ناديه دي فظيعه

وفجاه قامت سهام بالرغم من وجعها وهجمت على مراد وبيحاولوا يمسكوها مش عارفين من كثر غضبها لانها عرفت الشخص اللي كان السبب في انتحار اختها ولسه بتهجم على مراد و تسببت في جروح في وجهه وفجاه رصاصه طلعت والكل واقف مذهول وما حدش يعرف مين المصاب.