الفصل الثاني قبلتهم في طريقي

انقر هنا لبدء الإنشاء ...الفصل الثاني😀

وهنا دخل نبيل اوضه ناديه المفاجاه انه لقى جدتها موجوده معها

الجده لسه هتلف وتبص من داخل كان نبيل ترك الباب وجري على الاوضه اللي موجوده فيها جيهان بسرعه ونام في السرير

الجده يمكن كان بيتهيا لي وما فيش احد داخل بس الباب اتفتح يمكن الهواء وراحت قافلاه

في بدايه يوم جديد

الجدها ناديه. اصح يا بنتي ميعاد المدرسه فات

ناديه. معلش يا جدتي النهارده مش هاقدر امشي انا مصدعه جدا وتعبانه قوي حاسه ان جسمي كله مكسر

جدتها. انتي حتي يا حبيبتي ما صليت قومي صلي ونامي تاني

جيهان.  سيبيها نائمه النهارده الدنيا مش هتطير تذاكر في البيت هنا و هي لو عايزه الامتحانات انا اجيبهالها

جدتها.. يا شيخه سيبيها حرام عليك بقى حرامتيها من ابوها وعايزه تحرميها من دراستها كمان

جيهان.. انا ما قلتش كده انا قلت تذاكر في البيت وتروحي الامتحانات عادي المدرسه بتاعتنا 

ناديه.  خلاص بقى انتم هتتخانقوا انا هانام شويه وهبقى اقوم

جيهان حبيبتي براحتك نامي زي ما انت عايزه

جدتها خرجت من الاوضه انا فعلا ما عرفتش اربيك انت ماتنفعيش تكوني ام

جيهان. على فكره انا حجزتلك في دار المسنين هناك هترتاحي اكثر من دوشه الحفلات بتاعتي

امها اللي هي جدت ناديه. احسن انا كل اللي صعبان علي البنت اللي هتضيع دي يلا يا بنتي معكي ربنا

جيهان. ما تخافيش عليها انا امها و عارفه انا هاعمل ايه

وجيهان اخذت مامتها ودتها دار المسنين وناديه ما تعرفش حاجه لانها لسه نائمه

صحيت ناديه من النوم كان العصر طبعا من تاثير الخمره

ناديه.. يا خبر زمان جدتي زعلانه مني ده انا ما صليتش الظهر ولا العصر سامحني يا رب

وقامت من النوم وادت فرضتها وراحت عند الاوضه بتاعت جدتها بس المفاجاه انها مش لاقيه جدتها فا نزلت تحت 

ناديه عم محمد. هي جدتي راحت فين

محمد السفرجي. مشيت مع جيهان هانم ولسه ما رجعوش

ناديه. ماشي انا جعانه ممكن تعملي اي ساندويتش كوبايه نسكافيه بس من غير حليب

محمد السفرجي.. حاضر يا ناديه هانم

جيهان رجعت.. انت صحيت يا حبيبتي

ناديه. ايه ده  فين جدتي سبتيها في النادي ولا ايه

جيهان. صحيت من النوم وقالت عايزه اروح اقعد في دار المسنين فانا ما حبيتش اضغط عليها 

ناديه. مشيت من غير ما تسلم على انا هاروح لها وارجعها لانها اكيد زعلت مني علشان انا فضلت نائمه

جيهان.حبيبتي هي طلبت تقعد لوحدها قالت سيبوني يومين كده ارتاح ثم احنا هنروح نشتري لبس جديد النهارده ولسه هنروح البيوتي سنتر علشان في حفله جميله النهارده

ناديه. هتعملي حفله ثاني النهارده ده انا لسه ما صحيت من حفله امبارح

جيهان. لا يا حبيبتي ده عمك نبيل عزمني وعزمك عليها وما ينفعش نرفض هنروح نقعد شويه ونرجع على طول

ناديه.. خلاص يا ماما ماشي بس شويه صغيرين وما تخلينيش اشرب المشروب بتاع امبارح ده خالص

ومشيت جيهان وناديه يشتروا اللبس المناسب للحفله من نظر جيهان

ناديه. اللبس عريان ده قوي يا ماما انا مش عارفه امشي فيه

جيهان. يا حبيبتي لما تروح الحفله كله هيبقى لبس كده يعني ما فيش حد هيبص لو لبست غير كد كله هيبصوا لانك هتكونى غريبه في النصف

ناديه. بس لو بابا موجود معنا ما كانش هيرضى البس كده وكان هيزعل اني فكرت في اني البس ده

جيهان..انت شكلك هتبقى متخلفه زي باباك يا بنتي الناس بتلبس كده في الوسط بتاعنا اسمعي كلامي ويلا خلينا نروح زمان مدام نجلاء مستنيانا علشان نعمل سونا و نحضر نفسنا لحفله

ناديه. ماشي حاضر

جيهان. يا حبيبتي انت كبرت ولازم تعرفي ازاي تمشي على الموضه علشان ما حدش يضحك عليك 

وراحت جيهان هي و ناديه ولبسووا و حضروا نفسهم للحفله

وناديه دخلت مع مامتها كل العيون عليها لانها صاحبت جسم فرنساوي وجمال شرقي

وجيهان بدات تلاحظ ان ناديه خطفت الاضواء منها وبدات تغيير  من بنتها

نبيل راح يسلم عليهم اهلا جيجي كنت هازعل قوي لو ما جاءتش يا ناديه الحفله

ناديه ازاي بقى يا عمو لازم كنت اجي

نبيل باقول لك ايه ما بلاش كلمه عمو دي وخليها بلبل

ناديه لا ما ينفعش حضرتك كبير ولازم احترمك

نبيل ولو قلت لك عشان خاطري تقولي بلبل

ناديه خلاص بلبل بلبل

جيهان طيب مش تيجي نرقص بقى يا بلبل

نبيل يلا وبدا يرقص هو وجيهان وهنا جاء ولد وقف جنب ناديه ايه رايك نرقص

ناديه بس انا مش باعرف الولد شد يديها انا هاعلمك وناديه بدات تتعلم الرقص وتهزر مع الولد ونبيل عينه عليها وراحه عندها

نبيل ايه ممكن انا ارقص معكي شويه وسحب يديها وبدا يرقص ويلمس جسمها بطريقه شهوانيه وهي ما تعرفش وبعد فتره انتهت الحفله ومشيت ناديه هي ومامتها

ناديه. بدات تعرفه تهتم بالمكياج والموضه وبقت تحضر كل الحفلات مع جيهان

وعيسى كل ما يجيء يزور البنت يلاقيها نائمه ما بقتش تروح المدرسه

وعديت ستة شهور والحال كما هو

نبيل بيحاول يتقرب من ناديه ولكن جيهان رفضه فلقى الطريقه اللي  تخليه قريب منها انه يتجوز جيهان

جيهان. طبعا موافقه بس عايزه حفله حلوه تليق بجيهان ونبيل

نبيل.  انتي تؤمري نعمل حفله الاسبوع الجاي وبعد كده نسافر شهر عسل وطبعا هتيجي معنا ناديه

جيهان. ماشي اوكي دي اكيد ناديه هتفرح جدا.

نبيل ده انا باحبها جدا بيكلم نفسه ده هي السبب في جوازنا انا لا يمكن اتجوز واحده كنت اعمل معها علاقه

جيهان ايه يا بلبل سرحت في ايه

نبيل سرحت في اللي باحبها واخذها في حضني

وجاء ميعاد الحفله وبعد كده تم الجواز وسافروا يقضي شهر العسل ونبيل لسه مبيفوتش لحظه الاو يلمس جسم ناديه بالطريقه الشهوانيه بتاعته

ناديه.فاكر ان هو زي باباها فما بتفرقش معها الحركات بتاعته لانها مش فاهماها وكانت دائما تحضنه وتقعد على رجليه وتهزر معه وده كله قدام جيهان

وعدت سنه و جيهان بدات تغير من ناديه اتصلت ببابا ها وقالت له ياخدها عنده علشان تعرف تذاكر وياريت تخليها عندك على طول

عيسى فرح جدا بالطلب افتكر ان هي بتهتم بمذاكره بنتها

لانه ما يعرفش حقيقه انها بتغير منها وراحت ناديه تعيش مع باباها اللي هيحاول يصلح اللي فات

ناديه بابا انت وحشتني جدا

عايزه وانت كمان يا حبيبه بابا من هنا ورايح المذاكره بمواعيد والاكل بمواعيد زي ما كنت بتعمليه زمان

ناديه  يعني مش هيبقى فيه نادي وسهر بالليل ليه هو انا لسه صغيره

عيسى هو ده اللي عندي وعد بعد ما تخلصي الامتحانات ارجعي اخرجيه وتفسحيه براحتك

ناديه حاضر اتفقنا

ناديه. انا خلصت الامتحانات سيبني اخرج بقى اتفسح

عيسى. طيب هنخرج سوا

ناديه.. يا بابا انت بتوديني اماكن بتاعت ناس عواجيز وانا عايزه اسهرو ارقص مع اصحابي انا فعلا زهقت وعايزه اروح عند ماما

عيسى.. خلاص يا حبيبتي روحي بس متتاخريش

وهنا عيسى حس ان ناديه عايزه موقف شديد علشان تتغير

ورجعت ناديه من السهره طبعا شاربه بس على خفيف

لقيت باباها مرمي على الارض

ناديه.. قعدت تفوق فيه معلش يا بابا انا اسفه مش هاروح  اسهر ثاني

عيسى بدا يفوق. الحقيني يا ناديه انا في كارثه كنت داخل صفقه بالفلوس اللي معي وخسرتها كلها يعني انت دلوقت هتخشي كليه حكوميه حسب التنسيق ما يوديك

ناديه مش مهم يا بابا انا ممكن اخذ فلوس من عمو نبيل

عيسى و تقبليها علي يا ناديه يقول ان انا مش عارف اصرف عليك

ناديه. خلاص يا بابا الا انت شايفه المهم صحتك دلوقت

وفعلا عيسى بدا في تنفيذ الخطه و سحب منها الفيزا كارت وجالها التنسيق بتاعها في كليه الحقوق تبع محافظه ريفيه

ناديه. بتكلم مامتها الحقيني يا ماما انا هاعيش في البلد الريفيه دي في المدينه الجامعيه

جيهان استحملي علشان باباكي ما يزعلش وهي كل حكايه اربع سنين وتخلصي خالص

ناديه..كنت فاكراك انك هتساعديني وتخليني ادخل الجامعه الخاصه

جيهان.لا يا حبيبتي عمك نبيل ما رضيش يديني فلوس وانا مش هتحايل عليه

ناديه.رديت بالامر الواقع وراحت هي وباباها علشان يحجزوا السكن في المدينه الجامعيه

عيسى معلش يا حبيبتي استحملي شويه وانا اول ما الظروف تتحسن معي هنقلك جامعه خاصه على طول

ناديه. خلاص يا بابا ماشي طيب انت هتسيب لي العربيه

عيسى. مش هينفع يا حبيبتي انا هابيعها عشان اسدد ديوني

ناديه. ماشي يا بابا اللي انت تشوفه

عيسى بس احنا نشتري لبس غير اللبس اللي انت بتلبسيه

علشان ده مش هينفع هنا ابقي لبسيه في الاجازات

ناديه.انا مش بعرف امشي في الجيبه عمري ما لبستها

عيسى معلش يا حبيبتي بكره تتعودي لازم تلبس الجيب طويله ولبس محترم شويه ما ينفعش العريان

وفعلا مشيت ناديه وعيسى اشتري لبس محترم طبعا وناديه بدات تلبسه علشان تتعود عليه

ومع بدايه السنه ودخولها الكليه هتواجه مصاعب كثير علشان هي مش متعوده على المستوى ده

يا ترى ايه هي المصاعب اللي هتقابلها و هتبدا رحلتها معها ده

وهنا دخلت ناديه المدينه الجامعيه وراحت على الاوضه المقرر انها تقيم فيهاهي والثلاث بنات

ناديه.  ايه ده هو احنا هنقعد مع بعض في الاوضه دي

فريده. ايوه يا حبيبتي هنقعد في الاوضه دي عادي يعني  وانس 

ناديه. حاضر خلاص انا هاخذ  سرير في اي مكان 

فريده.خذي السرير اللي هناك جنب الحيط

ودخلت سهام. ايه ده انت طالبه الحقوق الجديده معنا في الاوضه

ناديه. ايوه وانتي مين

انا سهام. اولى حقوق برده بس احنا هنا بقيلنا كم يوم

ناديه. يعني انت اكيد عارفه ا مكان الحمام عشان اخذ شاور

سهام. بس انت من طريقه كلامك شكلك بنت ناس يعني مرتاحه ماديه ايه ده انت مطلعه محل مستلزمات تجميل هنا هههه ايه اللي رماك على المكان ده

ناديه. ممكن بس حضرتك توريني المكان هتعبك معي شويه ممكن تستنيني اعقبال ما اخذ الشاور

سهام..والله انت شكلك كده يصعب على الكافر تعالي يا ستي اوريك بس اقفلي شنطتك وحطيها في الدولاب وخذ القفل ده واقفل الدولاب على شنطتك تلاقيك مش جايبها معك قفل

ناديه.حاضر ومشيت هي وسهام على الحمام 

وسهام بتبص في اركان الحمام او الحجره المخصصه للشاور

ناديه. انت بتعملي ايه

سهام باشوف لا يكون حد حاطط التليفون كده ولا كده ما هو احنا مش في بيتنا

ناديه طيب ومين هينسى تليفونه

سهام انت على نياتك قوي حد يكون حاطه يصوره اللي بيتشطف يا غباء

ناديه. يا خبر هم هيعملوا كده ليه

سهام. يصوروا ويبيعوا للطلبه او ينشرها على النت في الاماكن القبيحه

ناديه. يا خبر انا ايه اللي خلاني اتورط في حاجه زي كده الله يسامحك يا بابا

سهام. وانتي بتعيطي ليه انا واقفه جنبك لغايه ما حتى تتعلمي حاجه تدفع بها في المكان ده

ناديه طيب انا خايفه اخذ الشاور بتاعي

سهام لا ما تخافيش خلاص اطمئني المكان سليم

وناديه دخلت تاخذ الشوا الروائح الخاصه بالمستحضرات ملت المكان كله ف كله جاء على الريحه علشان يشوف مين دي بتستعمل الحاجات دي

وناديه خرجت من الحمام وهي لابسه شورت وفانله  بحماله رفيعه  

كل اللي واقفين دي مين دي

سهام. خلعت الروب بتاعها البسي ده داري العريان اللي انتي خارجه به

ناديه. عريان ايه ده شورت جينز و بادي كت ثم احنا كلنا بنات عادي

واحده من البنات. ايه المزه اللي جايه تقعد في المدينه دي ودي عصمت ثالثه حقوق بس من حي الباطنيه يعني مش طبيعيه شويه عندها ميول جنسيه شاذه

سهام. في ايه يا حبيبتي لمي نفسك شويه

ناديه. اهلا وسهلا انا ناديه واصحابي بينادوا لي نودي واولى حقوق

سهام يلا يا اختي انت الثانيه بلا نيله قدامي هتعرفي خلينا نلحق ننام لنا شويه قبل ما نيمشي الكليه

عصمت. باقول لك ايه يا مزه اي خدمه احنا في حقوق برده

ناديه.. شكرا اشوفك بكره في الكليه

سهام.. يادي النيله علي قدام يا منيله ربنا يستر على الايام اللي جايه

وراحوا هم الاثنين الاوضه وفريده بتشخر وهي نائمه

سهام. يا صلاه النبي ايه موسيقى بيتهوفن ديه بتشتغل كل ليله

ناديه. واحنا هننام ازاي وهي بتشخر كده كانت راحت عملت عمليه علشان الصوت ده مش حلو اي راجل مش هيرضى يتجوزها

سهام. خلصي يا اختي و اتخمدي هي الناس لاقيه تاكل علشان تعمل عمليات تجميل ثم

ما تناميش باللي  انتي لابساه ده شوفي جلابيه ولا اي حاجه

ناديه مش معي علشان انا كنت بنام كده على طول والجو حر قوي وما فيش تكييف

سهام. خذي اهي جلابيه من عندي والله ما لبستها خالص لسه بالكيس بتاعها مبروك عليك خليها لنوم

ناديه. شكرا. ولبستها ونامت وصحت ثاني يوم

علي صوت البنات بيتخانقوا علشان كلهم رايحين على الكليه

و بيتخانقوا على اللي يخش الحمام الاول

ناديه.. يا رب انا عارفه اني زعلتك كثير ومش بقيت اصلي زي الاول بس حرام تعاقبني العقاب ده بعد ما كنت بصحى على صوت زقزقه العصافير اصحى على صوت البنات اللي عامل زي صوت الرجاله دول وشخير البنت اللي نائمه دي ولسه بتشخر لغايه دلوقت

سهام. ايه يا بنتي علي الصبح قاعده تكلمي نفسك تعالي ما تخافيش انا هدخلك الحمام

سهام.. قشطه حته بخمسه على الصبح اهي افتحي لنا حمام المشرفين

فاطمه.. ودي مشرفت الدور صباحك قشطه مين القمر اللي معك دي جاءت امتى ما شفتهاش قبل كده

سهام..دي ناديه عايزك تخلي بالك منها لاحسن طيبه خالص

اوعى حد يزعلها لو غبت عشان لو حصل هازعل انتي

فاطمه. لا وعلى ايه بس المديره شافتها ماظنش يحسن دي قمر خالص خالص ربنا هيفرحك يا مديرتنا الجميله دي

سهام. انت بتقولي حاجه

فاطمه.. لا بس بص يا قمر اي وقت تحبي تخشي الحمام تعالى

ناديه. ممكن اخش انا الاول ودخلت ناديه ودورت في الحمام على كاميرا ت ولا حاجه زي ما علمتها سهام و اخذت الشاور بتاعها

فاطمه.. ما تجيبي يااختي شويه من البتاع ده حلو اللي انت اتشطفت بيه ده ريحته كم مفحفحه

ناديه.. بصي انا مش جايبه معي كثير المره الجايه وانا جايه اجيبلك معي واحده

فاطمه.. انت شكلك بخيله ولا ايه هاتيه منه شويه احطهم في كيس

ناديه. في كيس ازاي بس براحتك خذي شويه

وناديه جاهزات نفسها هي وسهام ومشوا الجامعه 

وناديه جعانه جدا لانها ما اكلتش  حاجه من امبارح وجاء ميعاد الغداء في المدينه الجامعيه

سهام. يلا يا بنتي عشان تتغدى و مشوا هم الاثنين والمكان مليان طلبه وقطط بتتاكل في بواقي الاكل في الصينيه

ناديه. . ايه ده احنا هناكل كده والقطط بتاكل معنا لا انا مش جعانه انا عايزه اطلع فوق في الاوضه

سهام.. طب استني اصرفي وجبه العشاء معك بيض مسلوق و جبنه والعيش

ناديه . اخذت وجبه العشاء وطلعت في الاوضه بتاعتها

وناديه بتكلم باباها في التليفون

عيسى. عامله ايه يا ناديه في اول يوم لكي

ناديه.. حلو اليوم حلو يا بابا مبسوطه قوي المهم انت عملت ايه

عيسى. اديني بحاول اسدد الديون معلش استحملي شويه

ناديه..لا يا بابا دي تجربه حلوه خالص وانا مبسوطه هنا اصحابي حلوين والاكل حلو خالص وبدات هتعيط سلام بقى يا بابا علشان ورايا المحاضره

عيسى. معلش يا حبيبتي الدرس عليكي صعب جدا هو كم شهر بس و هارجعك ثاني في حضني

ونروح عند سهام بتتكلم في التليفون

سهام ايوه انا قربت اوصل اللي احنا عايزينه

المجهول خذي بالك اي غلطه فيها موت وعلى فكره انا بقيت ابحث عن معلومات للبنت اللي انت بتسالي عنها

سهام اصل انا متاكده ان البنت دي ممكن توصلنا لحاجه غير كده ايه السبب اللي يخليها تيجي مكان يمكن بالنسبه لها الخدامين ما يقعدوش فيه

المجهول لا مش للدرجه دي يعني

سهام طب اقفل لاني حاسه ان في احد جاي علي اه اوع تنسى اي معلومه جديده عن البنت دي تبلغني بها على طول

فاطمه الله بتعمل ايه في يا سهام في المكان ده ل المديره شافتك هتزعق

سهام كنت باشرب سيجاره خذي لكي واحده واشربيها وانت ساكته

فاطمه هاتي ده الواحد دماغه خرمانه من الصبح وسهام سبتها ومشيت

ودخلت سهام لقيت ناديه بتعيط

سهام. بتكلم نفسها انا مش عارفه حبيت البنت دي ليه انا مطلوب منى مهمه اخلصها وامشي و هتعمل ايه لما انا امش

سهام.. مالك يا حبيبتي بتعيطي ليه يا ناديه

ناديه. انا تعبانه قوي مش عارفه اعيش هنا كل حاجه هنا  مقرفه جدا وانا ما تعودتش على كده انا اسفه ان كان بكلامي دي بجرحك بس ده حتى المكان اللي كان فيه شغالين عندنا كان انظف من كده هنا تخيلي لقيت صوره على الحيطه

سهام.. يا لهوي بجد يا اختي صرصور وبتقول في نفسها امال لو شافت البورصه هتعمل ايه يلا ربنا يستر معلش انا عارفه طبعا انت بنت مين بس ايه اللي خلى باباك يسيبك تيجي هنا

ناديه.. بابا خسر فلوسه بسبب صفقه عملها واضطريت ان انا اخش كليه حكوميه

سهام. معقول ده كان عنده فلوس كثير جدا وده راجل سياسي معروفه عقليه تجاريه جميله جدا ازاى خسر فلوسه في صفقه يعني

ناديه.انا ما اعرفش هو ده اللي حصل وانا مش قادره اقول له ان انا تعبانه هنا علشان هو ما يزعلش

سهام.. ما تقلقيش كلها كم يوم تتعودي و طول ما انا معك ما تخافيش من حاجه خذي يا ستي جبت لك وجبه الغداء بتاعتك استحملي كلها

ناديه...انا كده كده مش باحب اللحمه والارز شكلهم مش حلو انا هاكل البيض بس اعمل ساندويتش على ايه مش هاكل العيش محروق

سهام... ههههههههههه لا ما انت لازم تتعودي

وعدى اليوم عليهم وكمان ايام لحد ما ناديه اتعودت على المكان شويه في وجود حماية سهام لها وفى يوم كان 12:00 بالليل