الفصل الثاني قبلتهم في طريقي

انقر هنا لبدء الإنشاء ...الفصل الثالث والعشرون😀😇

وادهم وصل للمقر بتاعهم واتصل بجلال واشرف و رؤساء الفرق اللي هتكون معهم علشان يكملوا عناصر الخطه الموضوعه وبعد فتره وصل جلال واشرف

 ادهم احنا هنتقسم اربع فرق

 الفرق الاولى هتبقى مسؤوله عن المطار ومسؤوله عن الموانئ ومنع اي حد من اللي موجود اسمه في القائمه يخرج خارج البلد و دي هيكون مسؤول عنها جلال

 الفرقه الثانيه دي هتبقى موجوده عند السكن مستنيه الاشاره والاستعداد للهجوم ودي هتكون بقياده احمد

 اما الثالثه عند المخازن والشركات لتامين كل ممتلكات وحفظ الاوراق الموجوده في الشركه والسيديهات الموجوده على الكمبيوتر بقياده عبد الله  

والفرقه الرابعه ودي هتكون بقيادتي انا وهتكون في الصداره واحنا هنقوم بالهجوم المباشر وطبعا انت يا اشرف اهم فرد في المجموعه لانك مسؤول عن الاشاره لازم تديها في التوقيت المناسب و هيرجع لتقديرك وحكمتك انت

جلال واشرف وبقيت الفريق تمام يا فندم 

ادهم اهم حاجه التوقيت لازم كله يبقى في وقت واحد ما يكون في فرق توقيت بين تحركنا ولو ثانيه واحده علشان عنصر المفاجاه مهم

 الجميع ان شاء الله خير يا فندم

 ادهم ربنا معنا

ونسيبهم ونروح البلد عند الحاجه حنان

سهام هي فين ناديه ما جاءتش تصحيني ليه زي كل يوم

الحاجه حنان هي كانت قاعده هنا معي من بدري و قالت انا خارجه اتمشي شويه في الجنينه شكلها قلقانه وتوحشت الكبير 

سهام لها حق تقلق هو غايب دلوقت بقى له يومين حتى ما اتصلش به يطمنها 

الحاجه حنان هو ولدي كده لما بيطلع في مهمه بيقفل تليفونه وما بيتصلش غاب اسبوع اسبوعين شهر ما باعرفش عنه حاجه

سهام طيب انا هاقوم اشوفها

الحاج حنان لا خليكي يا بنت يا هنيه اندهي كده على ستك ناديه 

هنيه حاضر يا حاجه ولسه هتخرج

صفيه انا لسه داخله من الجنينه وما فيش احد لا بيتمشى ولا قاعد

الحاج حنان يمكن طلعت اوضتها اطلعي يا بنتي يا سهام شوفيها

وسهام طلعت فوق ونزلت هي مش فوق

 الحاج حنان يا بنتي اتصلي بها على التليفون اتصلت بها التليفون بيرن ما فيش احد بيرد

 صفيه انا حاسه ان الصوت جاي من الجنينه بره شكلها بتتدلع علينا ومش عايزه ترد على التليفون محروج ابو العيشه واللي عايشينها ناس لها بخت وناس لها

سهام يوه يا صفيه وده وقته وخرجوا يشوفوها 

هنيه الحقي يا حاجه التليفون مرمي هناك اهو قريب من البوابه 

سهام لا انا كده بدات اقلق يا ترى هتكون راحت فين 

الحاج حنان ندهت على الحرس اقلبوا لي الفيلا كلها والجنينه و الاسطبل اللي فيها الاحصنه  والبلد كلها دوروا فيها على ناديه زوجه الكبير وانت يا هنيه روحي شوفيها في بيت الضيافه

هنيه حاضر يا حاجه

 صفيه يعني هتكون راحت فين هربت مثلا 

الحاج حنان صفيه مش ناقصه كلامك دلوقت بخي السم بتاعك بعدين يلا غوري من وشي واعرفي انك لو كنت وراء اللي حصل ده صدقيني هيكون اخر يوم في عمرك 

صفيه وانا ما لي يا مرات عمي وطالعه تجري على فوق 

وهنا جاء محسن جري خير يا مرات عمي ايه اللي انا سمعته ده 

الحاج حنان ناديه يا ولدي مش لاقيين لها اثر يا خوفي لا تكون اتخطفت 

محسن وهتتخطف ليه احنا ما لناش اعداء حتى ادهم ولد عمي الكل بيحبه تلاقيها  راحت هنا ولا هنا وتاهت القصر عندنا واسع ان شاء الله هنلاقيها

 الحاج حنان ان شاء الله يا ولدي 

والكل بيدور على ناديه علشان يلاقوها وسهام بتحاول تتصل بادهم بس تليفونه مقفول

وسهام انت فين انت كمان يا ادهم ما بتردش انا حاسه كده ان خطفها ده له علاقه بالقضيه بتاعتنا انا لازم انزل مصر

الحاجه هنيه لا يا بنتي مش لازم تنزلي مصر لازم تستني هنا حتى لو خطفها له دعوه بالقضيه يبقى ادهم ان شاء الله هيتصرف ويمكن تكون هنا فعلا وتاهت  احنا نستنى لغايه لما الرجاله يرجعوا وبعد كده ربنا يقدم اللي فيه الخير

سهام حاضر يا حاجه

وبعد فتره دخل بالليل ولسه ما فيش اثر لناديه

سهام لا انا كده تاكدت انها اتخطفت انا لازم انزل مصر واحاول اوصل لادهم

محسن لا انتم شكلكم في حكايه وراكم ليه اتخطفت ولازم اعرف مش هتنزلي ولا تحركي  لما تقولي لي الحكايه ايه

الحاج حنان اسكت يا محسن يا ولدي الحكايه لها دخل بشغل ادهم

سهام هتنزل معي ولا انزل لوحدي 

محسن لا طبعا معكي وانت يا حاجه ما تخليش احد يخرج من القصر

ومشى محسن وسهام على القاهره على امل انهم يوصلوا لادهم او يعرفوا اي حاجه عن ناديه

 ونسيبهم ونرجع عند ادهم

و مره الوقت وجاءت ساعه الصفر

القوات راحت على السكن الجامعي ومستنيه الاشاره

واشرف موجود في الحفله ومعه عبد الرحمن ونبيل بيحضروا كل حاجه لازمه ليه تسليم البنات واشرف ايهده الاشاره

وبالتالي بدات ساعه الصفر للجميع تم اقتحام الشركات وتامين المطارات  

ودخل ادهم ومعه كل القوات وقبضوا على الموجودين ونبيل جري على فوق وادهم وراه ونبيل مسك ناديه ورفع المسدس على راسها

نبيل. لو قربت هاخلص عليها سيبني كده اخرج بهدوء او اعمل نفسك ما شفتنيش وانا بهرب بالطريقه اللي تريحني وما تقلقش هاسيب لك حبيبه القلب في اقرب مكان

ادهم. على فكره هي ما تهمنيش في حاجه انا كل اللي يهمني القضيه علشان سمعتي في الاداره وخلاص احنا قضينا يومين حلوين مع بعض عايز تقتلها  عادي يعني مش هيفرق معي كثير

ناديه بدات تعيط بطريقه هيستيريه. انت مش بتحبني حرام عليك يا ادهم كل ده كنت بتعمله علشان القضيه بتاعتك وكل كلامك عن حبك لي كان كذب طيب ليه كده طيب ليه تمام جوزنا ليه ما سيبتهوش على الورق كنت عايز تقضي معي يومين فعلا وبدا جسمها يرتخي ونبيل بيسندها بس انت انسان حيوان اقتله يا نبيل انت الوحيد اللي تستاهل حبي اقتله خلصني منه مش عايزه اشوفه ولا اسمع صوته

ادهم خلاص بقى ما تعيشيش في الدور ما تنكريش انك انت كمان استمتعتي معي

ناديه اسكت يا حيوان كفايه قلت لك اقتله ومسكت ايد نبيل وضغطت على المسدس وضربت نار  في الهواء و اخذت منه المسدس انا اللي هقتله ادام انت مش عايز هات

وفي نفس الوقت كان اشرف لف من الجانب الاخر وطلع اتجاه نبيل ومسكه

نبيل يلا يا اشرف خلينا نهرب اشرف تهرب على فين فوق يا نبيل باشا

نبيل يعني انت تقصد انك انت الثاني كنت بتلعب علي لازم يحصل لي كده لما اسلم نفسي لغبي زي عبد الرحمن

اشرف ما هو مش لازم كلنا نبقى خونه

وناديه راحت جريت عند ادهم بعد ما اخذت المسدس من نبيل

نبيل لا لعبتيها صح يا ناديه بس مش هاخليكي تفرحي كثير

وتم القبض على نبيل ولكن وهو خارج مع الشرطه اخذ المسدس من غير ما احد ياخذ باله من جيبه الثاني وفي لحظه راح يضرب نار على ادهم فنناديه جريت على ادهم واخذتها هي والرصاصه اخترقت قلب ناديه

ادهم. في حاله صدمه وساكت ومش عارف يقول ايه وهو شايف الدم غرق ايده وهدومه وهو ساند ناديه

ناديه. انت عارف انا باحبك قوي بس عايزاك توعدني انك تتجوز صفيه لو انا مت

ادهم اسكتي انت هتعيشي علشان حبيبك ادهم ما يقدرش يعيش في دنيا انت مش فيها

اشرف اضغط يا باشا على الجرح علشان النزيف يقف

ناديه. اوعدني ارجوك يا ادهم لازم تتجوزها علشان سببين

الاول اني احلى منها هههه صح والناس هتقول ناديه كانت احلى في فستان الفرح والثاني انهي بتحبك اوعدني ان اول بنت تخلفوها تسموها ناديه

علشان كل ما تنده اسمها تفتكرني اوع تنساني يا ادهم وعارف علشان انا كمان اضايق صفيه ما هي كانت بتضايقني برده كل لما تيجي لها الفرصه و انت كل ما تحضن ناديه الصغيره هي هتضايق ايوه علشان هتفضل تفكرك بي

الظاهر كده انا طلعت في حته صغيره شريرة هههه زي اي احد ما هو ما ينفعش اكون طيبه على طول

ادهم بيعيط ويزعق الاسعاف بسرعه هي ما جاءتش ليه لغايه دلوقت

اشرف. هي جاي في الطريق والله يا فندم بس خليك انت ضاغط على الجرح

ناديه.. عارف كانوا دائما بيقولوا في دموع الفرح  وانا كنت بضحك علشان ما كنتش مصدقهم ولكن انا دلوقت صدقتهم علشان مش عارفه اضحك اني هقابل بابا وماما وجدتي ولا اعيط علشان هاسيبك بس كل اللي اعرفه اني هاستناك

بس يا رب ما تجيش على طول هناك وتعيش ايام حلوه حتى لو مع غيري بس تكون حلوه علشان انا كمان افرح بكده

ادهم. كفايه ناديه ما تتكلميش خليك صاحيه بس في حضني

ناديه. يا اخي سيبني اتكلم يمكن تكون اخر كلماتي سيبني اقول اللي انا عايزاه و قول لي ماما الحاجه اني حبيتها قوي وسهام قللها معلش اني هاخليها تزعل علي زي ما زعلت على امل بس انا والله ما كنت اقصد اني ازعلها بس انا ما كنتش هاقدر اعيش من غيرك لو حصل لك حاجه

وجاءت الاسعاف اخذتها وادهم مشي معها وهو على امل انه يكملوا طريقهم سوا و انها تعيش و نسيبهم ونروح عند جلال اللي وصل القسم واشرف بالبوكس بعد ما قبض على نبيل وعبد الرحمن والكل بتجمع في الاداره

العسكري يا باشا البنت اللي اسمها عصمت من الصبح وهي عامله دوشه في الحجز لانها عايزه تتطمن على اختها عايشه ولا ماتت

جلال خلاص استنى وانا هاتصرف واتصل على المستشفى واطمن اني ماجده عايشه

جلال للعسكري روح طمنها قل لها اختك عائشه وبقت كويسه كمان ان شاء الله في اقرب وقت اجيب لها تصريح لزيارتها وهاخذها تطمئن عليها بنفسها

العسكري تمام يا باشا وفعلا راح قال لها واطمنت عصمت

واشرف بيتكلم عبد الرحمن اخذت ايه بقى من اللي انت عملته شوهت سمعه الضباط كسبت وجمعت شويه فلوس هتخسرهم واولادك هم اللي هيشيلوا الفضيحه من بعدك لان يا صاحبي اقل حكم لك هو الاعدام

عبد الرحمن كفايه وصدقني مش هابقى هنا موجود فتره طويله

اشرف هههههه ايه فاكر اللي انت مسنود عليهم هيساعدوك ما خلاص الكل بقى في الحجز معك

عبد الرحمن هنشوف يا اشرف باشا مين فينا اللي هيكسب في الاخر اه اصلك انت ما تعرفش ان كل كبير اكبر منه

اشرف ههههه لا انتم خلاص الكبار بتاع لعبتكم خلصوا ونادي على العسكري ياخذه ويحطه في الحبس وهنا دخل جلال

جلال هو ادهم باشا ما جاش ليه علشان نبدا التحقيق

اشرف ادهم مراته اتصابت والاصابه خطيره جدا تقريبا جنب القلب

جلال طيب ازاي وانا عارف ان ادهم مش متجوز اتجوز امتى

اشرف لا دي الحكايه طويله ابقى احكيها لك بعدين واحنا في التحقيق هتعرف معلومات كثير عن الموضوع ده

جلال قصدك انها بنت من البنات  اللي لهم دخل بالقضيه

اشرف هي ناديه بنت المرحوم الاستاذ عيسى ربنا ينجيها علشان شكل ادهم وهي مرتبطين ببعض جامد

جلال يا رب على فكره انا خلاص قرار نقل اتمضى وهاكون هنا معكم في الاداره يعني ان شاء الله ان كان في قضيه ثاني هنبقى مع بعض فيها على طول وان شاء الله مع بعض نحقق الامان للبلد دي

اشرف ان شاء الله

وادهم فجاه بيصحى من النوم على صوت بينده بابا وبيلعب في شعره بيديه  الصغيره

ناديه الصغيره.. اصحي يا بابا بقى يحسن ماما وتيتا مستنيينك تحت وقاعدين يرغوا يرغوا انا زهقت

ادهم. وان مصحتش ناديه هتعمل ايه

ناديه الصغيره..هاروح بيساك بوسه كبيره وهشد شعرك زي ما الولد مروان بيشد شعري وهاجيب لك كوبايه العصير الحلوه اللي ناديه بتحبها تشرب منها شويه

ادهم. على فكره مروان ده عايز يتضرب ازاي يشد شعر بنت الكبير

ناديه الصغيره. معك حق بس انا هاقول لك بيني وبينك اصل انا دائما بخليه قاعد واروح رش عليه ميه واجري وبعض الاحيان بشد شعره واخر مره قصيت شعره بالمقص اضطر يشيله خالص عند الحلاق هههه وفضلنا انا وعيال العيله نقول له يا اقرع

ادهم.. يعني انت اللي بتبدا الاول وطلعت فيك حته شريره صغيره

ناديه الصغيره.. ايوه انا اللي دائما ابدا زي ما هابدا معك دلوقت وراحت رشه على باباها الميه ونزلت تجري تحت

ادهم بيجري وراها..  تعالي هنا يا شقيه يا شريره يا صغيره

والده ادهم. يادي الموال اللي مش هيخلص كل يوم نفس الحكايه

مامت ناديه..ما هو خلاص مش فاضي الا لناديه الصغيره يلا هنعمل ايه بقى يا حاجه قبر يلم العفش

الحاجه حنان ضحكتيني يا بنتي

هنيه ليه الكلمه دي على الصبح ما احنا قاعدين مرتاحين

صفيه قصدك ايه يا زفته

هنيه ما اقصدش حاجه وراحت جريت وكلهم قعدوا يضحكوا وادهم وقف يسمعهم ويروح بذاكرته لوراء وفجاه