الفصل الثاني قبلتهم في طريقي

انقر هنا لبدء الإنشاء الفصل السابع 😀

وهنا ناديه وسهام بيتفقوا على الطريقه وراحوا حضره sweet علشان يتالم جدا وناديه بتكلم نفسها ومشوا عند ادهم

ناديه. يلا يا منى هاتي ايدك علشان نعمل عمليه الازاله هههه

ادهم يعني هي دي مش بتوجع طريقه سهله صح ماشي انا اغمض عيني و انتم خلصوا بس بسرعه علشان وراءنا جامعه

وفعلا مسكت ناديه وسهام يده وفجاه راح ادهم عمل صوت عالي هي دي اللي مش بتوجع اوعي يا بنت انت وهي

وناديه وسهام ضحكوا على منظر ادهم وده كله وهو لابس النقاب لغايه دلوقت

ادهم. لا على فكره انا هسيبها بالمنظر ده دي الطريقه السهله

ناديه. والله دي سهله خالص بس انتي اللي سايبي ايديكي بالمنظر الحلو ده هاتي خلينا نخلص ورانا كليه مش هنقعد طول اليوم معك وانت تدلعي

ادهم.. انا قلت خلاص مش هاعمل حاجه وراح جري وسابها

ناديه. شكلها مش هتيجي الا بالعنف تعالي يلا خلينا نمسكها

ناديه وسهام بيضحكوا. ده لسه ما عملنا التقيله ههههه يبقى هتعملي ايه انت يا منى ساعتها

ادهم لا يا اختي لا ثقيله ولا خفيفه انا عاجبني كده وسبهم ومشي

سهام. سيبيها نبقى نمسكها لما نرجع يلا خلينا نمشي الجامعه

ناديه. ماشي يا استاذ ادهم الايام ما بيننا هههههه ان ما خليتك تقول حقي برقبتي عفريت قال فاكرني هبله

ومش كلهم على الجامعه وادهم

ادهم. انا هاروح اشتري شويه عبايات بكم  مقفوله علشان اريحكم وما حدش يشوف المنظر اللي مش عاجبكم

ومشي وساب ناديه وسهام وراح الاداره بعد طبعا ماغير هدومه و لبس قميص بكم علشان يداري شكل ايديه بعد محاوله الازاله اللي عملتها سهام وناديه

عبد الرحمن.صباح الفل يا باشا ايه ده انت لابس قميص بكم ليه الجو حر غريبه يعنى انت مش بتحبي تلبسي بالشكل ده

ادهم..صباح الفل وبطل واش على الصبح العميد جاء ولا لسه

عبد الرحمن. جاء من بدري مستنينا يلا بينا على المكتب بتاعه

وادهم وعبد الرحمن مشوا على الاجتماع بتاع العميد وبدا يتكلموا على الخطه الجديده وادهم بدا يقدم اقتراحات  فبدا يطوي الكم تلقائيا زي عادته و نسي يديه خالص

العميد خلاص خطه حلوه يا ادهم نبدا التنفيذ وانت ابدا التحقيق مع الولد يمكن نعرف منه اي معلومات تفيدنا ربنا معك يا اسد ويوفقك في القضيه لان المره دي كل اللي فيها ناس معروفين وفي منهم لهم مكان في المجتمع فلازم تبقى الادله صوت وصوره

 ادهم.وهي جديد علينا يا باشا ان شاء الله هيبقى صوت وصوره علشان ما يعرفوش يلعبوها معنا

وانتهى الاجتماع وعبد الرحمن بيتكلم

عبد الرحمن.. على فكره ايه اللي انت عامله في ايدك ده ههههه شكلها عامل زي اللي ماشي على سطر وسايب سطر

العميد.على فكره انا الثاني كنت هسال وقعدوا كلهم يضحكوا

عبد الرحمن طيب لما انت يا ادهم ما بتعرفش في الحاجات دي ليه حاولت تعملها على فكره في شمع جاهز ومكتوب الطريقه على العلبه من بره

ادهم. ليه انت جربته

عبد الرحمن لا انا جبته لامراتي وكلهم قعدوا يضحكم. 

ادهم اضحكوا ما هو انا باعمل كده عشان القضيه ده انا شيلت شنبي وانا كبير العيله ويا عالم هيطلع امتى بقى ههههه هتيجي على ايدي هههه

عبد الرحمن. كنت قلت وكنا سالنا وعرفنا الطريقه السهله ههههههه

ادهم خلاص انا هتنيل واجيب عبايات من اللي كمها مقفول

العميدبيضحك.. معلش يا ادهم كلنا عملنا كدة علشان  قواضي كثير استحمل انت بردك اسد الاداره

وان شاء الله القضيه دي هاتنقلك نقله كبيره جدا في الاداره و هتضاف في سجل التفوق بتاعك

ادهم. انا كل اللي يهمني اني انقذ البنات دول قبل ما الست دى تضيعهم

العميد طول ما البلد دي فيها ناس زي دول والبلد ما بتتقدمش خطوه لقدام بالعكس بترجع

عبد الرحمن معك حق يا باشا بس احنا هنفضل واقفين لهم ونحاول على قد ما نقدر اننا نفشل مخططهم

العميد ان شاء الله شوفوا شغلكم وربنا معكم

ادهم عن اذنك يا فندم علشان الحق اعمل التحقيق مع الولد وارجع السكن الجامعي قبل المواعيد الرسميه

وراح ادهم عند الولد علشان يبدا التحقيق

ادهم. اسمك ايه يا حبيبي و يلا خلينا  نفطر سوا وبعد كده ندردش سوا ماشي

الولد. اسمي احمد انتم هتعملوا في ايه هاتدخلوني الاحداث

 ادهم. يا ابني انت مستعجل على ايه احنا ناكل الاول وبعد كده ندردش ونتكلم براحتنا وما فيش احداث انت هتروح مع زمايلك في دار الايتام والمكان هيعجبك جدا

الولد اهو مكان زي بقيه الاماكن احيانا الشارع بيبقى افضل

ادهم ما تقولش كده المكان اللي باقول لك عليه مكان جميل ونظيف وهيعلمك الصح من الغلط غير كده انا هاجي اشوفك كل فتره واطمئن عليك

الولد اعتبره وعد

ادهم ده عهد وعد وانا عمري ما خلفت وعد يلا خلينا ناكل

والولد وادهم بداو ياكلوا مع بعض

الولد ممكن بقى يا باشا كوبايه شاي في الخمسينه مع النعناع علشان نحبس الاكله الحلوه دي فطار ملوكي فعلا

ادهم ماشي يا باشا احلى شاي في الخمسينه مع النعناع

ادهم. قللي بقى الحكايه ايه

الولد. بص انا هاقول لك على كل حاجه انا اعرفها بس والنبي ما تخليهم يدخلوني الاحداث

ادهم ..وعد مني ما فيش اي حاجه هتحصل لك وحشه زي ما قلت لك انت هتروح عند زمايلك 

الولد بدا يحكي بص يا باشا انا كنت بجيب الاولاد اللي نائمين في الشارع بعد ما اتاكد منهم انهم ما لهمش اهل واوديهم المكان اللي هم قالوا عليه دار الرحمه وهم بعد كده بياخذوهم ويودهم عند

 عفاف انا ما كنتش اعرف هم بيعملوا بهم ايه لاني دوري كان بينتهي بعد ما يستلموا الاولاد لحد ما في مره مشيت مع الاولاد لانهم غيروا المكان والاولاد دول ما كانوش متطمنين انهم يمشوا من غيري وهنا شفتهم

كان في دكتور كده مشهور

ادهم وايه اللي عرفك ان هو مشهور

الولد لاني شفته في التلفزيون المهم بيجي ياخذ منه دم بيقولوا بيعمله تحاليل واللي كان تحاليله تبقى حلوه كانوا بياخدوه واللي تعبان كانوا بيدوا قرشين ويمشوه اما البنات انا كنت مستغرب حاجه كانوا لا مؤاخذه بيخلعوهم هدومهم ويقعدوا يدوروا في جسمهم اللي يلاقوا جسمها مش حلو او في علامات مش حلوه يسيبوها تمشي بعد طبعا ما التحاليل تطلع انها تعبانه انما اللي جسمها حلو كانوا بيدخلوها عند الدكتور يتاكدوا يعني انها بنت وا كانوا بيسيبواهم لغايه لما يكبروا شويه وبعد كده بيجي راجل ياخذهم او انهم يروح المكان كده في الدار يعملوا حاجات كده مش حلوه يا باشا افهم انت بقى 

ادهم وانت عرفت الحاجات دي ازاي وانت بتقول ان كان دورك بينتهي لما بتسلم الاولاد ما فيش الا مره او اثنين رحت مع عفاف

الولد بالراحه علي يا باشا وسيبني اكمل وبعد كده هاجاوب لك على كل اسئلتك

ادهم ماشي كمل

الولد مره شفت قبل كده راجل كبير قوي زي اللي بيطلعوا في التلفزيون وكانت عفاف خايفه منه خالص عشان كانت بتترعب وهي واقفه قدامه وشكله كده هو اللي بياخذ البنات

الولد اصل لا مؤاخذه كده كنت مصاحب البنت اللي اسمها فاطمه وكنت عامل معها علاقه وهي اللي كانت بتقول لي وكانت بتطلب  اني اروح لها من غير ما احد يعرف واحيانا كنت باشوف الحاجات دي بالصدفه

ادهم انت بتقول ايه علاقه ده انت طفل

الولد عارف بس هي كانت بتحب تعمل علاقه مع الاطفال خلاص يا باشا بقى ما تحرجناش

ادهم.طيب بص بقى انا هخلي دلوقت واحد يجي يرسم الراجل اللي انت هتوصفه وبعد كده تقول له الصوره هو شبه كده فاهم

الولد انت تامرني يا باشا اللي انت تقول عليه بس والله يا باشا انا كنت باعمل كده علشان كنت محتاج فلوس علشان اؤكل و اعيش زي الناس 

ادهم. انا عارف انك عملت كده غصبا عنك علشان ظروفك بس هم ما عندهمش عذر فانت لو عايز تكفر عن ذنبك تساعدنا علشان نتقم منهم و نقبضوا عليهم وناخد حق البنات اللي تظلمه و الاولاد اللي هم موتهم 

الولد.والله يا باشا اي حاجه افتكرها اروح قائلها على طول وهاحاول اني اوصف له الراجل صح

ادهم. طيب بص انا هامشي دلوقت وانت معك عبد الرحمن هيساعدك هيوديك بعد كده الدار تقعد فيها مع الاولاد واي حاجه تفتكرها تقول لدار وهم هيتصلوا بينا على طول

ونسيبهم ونروح عند عفاف مديره الدار

الحارس الاولاد مش موجودين

فاطمه يا لهوي ده احنا كده هنروح في داهيه

عفاف دي كارثه ده لسه الباشا مكلمني امبارح ومنبه علي العقاب بتاعنا هيكون شديد لو الاولاد دول ما لقيناهمش او عرفنا مين اللي وراء الموضوع ده

فاطمه يمكن عصمت بجد بس ليه دي بتاخذ نصيبها

عفاف يا ريت تكون هي ساعتها ممكن الباشا يرحمنا لانه هيلاقي اللي هينتقم منه

فاطمه انا هاطلع فوق يا مديره ادور لك في الاوضه بتاعتها هي خرجت من الصبح

عفاف وانت خليك على الباب اول ما تيجي قل لي وانا هاتصرف وحاول اجيب الكميه المطلوبه من اي مكان ثاني

الحارس تمام وسببها ومشي

ونسيبهم ونروح عند عصمت اللي سافرت مصر عند امها وجوز امها

ام عصمت اهلا يا عصمت يا بنتي ازيك عامله ايه يا ريت اللي حدفك علينا دلوقتي محتاجه فلوس ولا حاجه

عصمت لا وحشتوني باقول لك ايه والنبي بعد كده ما تقوليش بنتي دي علشان مش لائقه على الوضع اللي احنا فيه وانت جوز امي ثاني مره اما تحب تطلب حاجه تكلمني انت

امها طب اقعدي خليها نعرف نتكلم وناكل لقمه سوا فيه محشي وانت بتحبيه

عصمت لا مش

جوز امها هتقعدي هنتكلم مش هتقعدي يلا امشي وما فيش كلام

عصمت ادي قاعده خلصني عايزه بضاعه

جوز امها انت ما دفعتيش اللي فات

عصمت ولا هادفع اللي جاي ده نصيبي يا روح امك ما تنساش ان الدولاب اللي انت شغال عليه اصله بتاع ابويا وانت دخلت بعد موته اخذت الجمل بما حمل الدولاب و امراته وكنت عايز تاخذ بنته كمان بس هي عرفت توقفك عند حدك

جوز امها ولسه نفسي في بنته بس يا خساره طلعت ما لهاش في الرجاله لها في الحريم ههههه

عصمت ده انت متابعني بقى على العموم مش مهم اد انت عرفت يعني تبعد من سكات

جوز امها طيب ما تيجي نجرب يمكن اعرف اعدل لك مزاجك ويبقى لك في الرجاله

عصمت طلعت المطبخ وهم فين الرجاله يا روح امك البس امراه وتعال وانا اللي اعدل لك مزاجك وراحت واخده كيس اللي فيه البضاعه قل لمراتك اقفلي على المحشي سلام يا جوز امي

جوز امها ان ما وريتك يا عصمت وخليتك رد سجون وساعتها هتجيء تحت ضرسي هافرمك

ام عصمت هي مين دي يا راجل

جوز امها انت يا جميل ما تيجي نقول كلمتين

ام عصمت والمحشي

جوز امها اطفي عليه كده كده اللي كانت هتاكله اهي مشيت

امها خلاص اطفي عليه وابقى اكمل بعدين وضحكات بمياصه

ونسيبهم ونروح عند عصمت اللي راكبه الميكروباص وفي كمين الشرطه وقفتها

الضابط انزل يا بنت

عصمت ما تقوليش يا بنت ويا ريت تتكلم باحترام انا في كليه الحقوق وعارفه حقوقي كويس وتفضل من غير كلام البطاقه بتاعتي اهي وده كارنيه الجامعه

الضابط طيب ما تكملي جميلك وتديني الكيس البلاستيك اللي في يديك ده

عصمت سكتت خالص وبتكلم نفسها عملتها يا جوز امي دي كانت خطه من الاول بقى

ونسيبها ونرجع على الجامعه عند ناديه وسهام

سهام انا هاروح اجيب كوبايه قهوه من الكافتيريا اجيب لك معي قهوه ولا شاي

ناديه لا هاتي لي القهوه بتاعتي ويا ريت تخليه يعملها لنا بميه معدنيه

سهام اقعدي يا بنتي اسكتي يا بنت اشربي وانتي ساكته الميه معدنيه قال اوعي خليني اروح اجيبها

وهنا جاء طالب يعاكس ناديه

الطالب اكيد بتفكري في شكلك سرحانه يا جميل

ناديه ولد انت انا قلت لك مش باحب الحركات دي ويا ريت تحترم نفسك وتكلمني باسلوب احسن من كده

الولد وانا قلت حاجه ما هو انت الحلوه بزياده

سهام جابت القهوه وجائت ايه في حاجه ما لك يا ناديه

ناديه ما فيش وراحت ماسكه القهوه وكبتها على الولد متهيا لي تروح تنظفه التيشرت بتاعك مش معقوله هتفضل بقيت اليوم كده يلا يا سهام خلينا نمشي وسهام واقفه متغاظه

سهام يعني ما كنتيش هتعرفي تزعقي من غير ما تدلقي القهوه دي الميه معدنيه يا بنتي انا غلطانه

ناديه يا خساره يا ريتها كانت من الحنفيه هههههه

سهام يلا يا بنت من مش هتشربي قهوه ويلا قدامي على الدار

ومشيت سهام هي وناديه وقاعدين يضحكوا ونسيبهم ونروح عند عصمت اللي هتتمسك ولا مش هتتمسك بكيس المخدرات الضابط اخذ الكيس وبيفتحوا ايه ده..