ياسمين بعد ما فكرت شويه اتصلت
سما ....اوعى تقول اني وحشتك ده احنا لسه سايبين بعض
ياسمين.... لا يا ستي انا عايزه اسالك على حاجه فاكره اللوحه اللي اشتريناها من الهند
سما.... ايوه
ياسمين ...هي اللوحه دي كان فيها ايه بالضبط
سما ...كان فيها ولد وبنت و حواليهم شجر وقصر
ياسمين.... بس كيد
سما... ايوه يا ياسمين بس ليه في حاجه
ياسمين ....لا ما فيش بس انا كنت عايزه اشغلك شويه سلام سما.... ماشي يا بنت صفوان لما اشوف اخرتها معك ايه
وهنا دخلت
فاطمه... ياسمين يلا يا حبيبتي صفوان بيه جاء وانا حضرت العشاء
ياسمين.... اوكي
وياسمين وهي قاعده بتاكل بتضحك كل شويه كل ما تفتكر اللي حصل بينها وبين ادهم
صفوان... حبيبي بيضحك ليه
ياسمين ...لا ابدا انا افتكرت انجي وهي بتقيس الفستان كان شكلها ظريف جدا
صفوان ...والله يا قلبي انت لو لبست ايه هتبقى احلى واحده فيهم
ياسمين ...ما هو لازم تقول كده علشان انا بنتك
صفوان... لا ابدا يا بنتي ده انا كل يوم بيجي لي ناس كثير عايزه ترتبط بك وانت اللي مش بترضى معناها انك قمر
ياسمين... علشان يا حبيبي ما فيش ولا واحد بيحب ياسمين دول بيحبوا ياسمين صفوان
صفوان.... يعني ايه نلغي بقى صفوان ونخلي ياسمين بس
ياسمين.... بعد الشر يا حبيبي بس بلاش نتكلم في الموضوع ده دلوقت اوكي
وياسمين قعدت بعد كده تسهر شويه هي وباباها وبعد كده ياسمين بتتفرج على الفيلم مع باباها شافت البنت اللي بتجيء لها في الاحلام وهي بتجري وبيجري وراها راجل شكله وحش جدا
و ياسمين ..راحت مصوته
صفوان.... في ايه ياسمين ايه يا حبيبتي ده الفيلم عادي جدا
ياسمين.... لا يا بابا شكلي نمت وانا قاعده وحلمت بكابوس انا هطلع انام فوق احسنه
صفوان... ماشي يا قلبي احلام سعيده ياسمين طلعت في اوضتها وفضلت قاعده على الكرسي لحد ما نامت وهي قاعده ولقيت البنت بتعيط
ياسمين ...ما لك بتعيطي ليه ومين الوحش اللي انا شفته وهو بيجري وراك
البنت.. انت عرفت ايه الحكايه بتاعه اللوحه
ياسمين ...عرفتها بس ما صدقتهاش اكيد دي من وحي خيال الرسام هو اللي قال الكلام ده علشان اللوحه تباع
البنت.... لا هي دي الحكايه بتاعه اللوحه بالضبط بس كل سنه قبل طلوع القمر اللوحه دي بتختار بنت وانت جاء عليك الاختيار
ياسمين... لا اله الا الله لا ده كده الموضوع كبر طيب هي اخترتني انا ليه بالذات وهتعمل بي ايه
البنت دي هتعمل وفجاه ياسمين صحيت على صوت الموبايل بتاعها
ياسمين.. ايوه يا سما في احد يصحى احد في الوقت ده
سما.... انا عرفت حكايه اللوحه ايه اسمها بوابات الشيطان
ياسمين.. طيب ما انا عرفت اسمها وعرفت حكايتها كمان
سما... ولسه سايباه عندك في البيت بصي يا بنتي احنا بكره هناخدها نحرقها انا اتفقت انا وليد على كده
ياسمين... بس انا لسه عايزاها
سما... عايزاها في ايه بقى انت دائما كده يا ياسمين بتختارى بكل حاجه خلي الحكايه بتاعتها طلعت صح هنعمل ايه ساعتها وعلى فكره احنا بحثت على النت لقينا في حكايات مشابهه اللي الحكايه بتاعه اللوحه حصلت مع ناس
ياسمين. بصي يا ستي انا هاشوف كده و هابقى ارد عليك
سما ...خلاص هاشوفك بكره
ياسمين ....لا بكره هاكون في الشركه يعني مش هاكون فاضيه وانتم اهتموا بتحضر ات الفرح مع انجي علشان عايزين يطلع فرح خرافه خلاص
سما ....انا وليد هنيجي عندك بالليل اوكي
ياسمين ...اوكي هستناكم بالليل
سما.....خلاص هتفق مع بابا وهارد عليك سلام
وياسمين... بتجهز نفسها علشان تنام افتكرت ادهم وبتقول لنفسها كان حته فيلم اكشن يا لو الواحد يلاقي فيلم اكشن جامد جدا كل يوم يعيشوا الواحد مش هيملى من الحياه خالص
والفجر اذن ياسمين نوم ايه بقى الواحد يقوم يصلي و يحضر نفسه للشركه ومشت ياسمين وصفوان للشركه
وياسمين قاعده بتشتغل هي واحمد وندى جابت القهوه لياسمين واحمد
ندى يا رب تكون القهوه عجبتك يا انسه ياسمين
ياسمين تسلم يديك قهوتك لها طعم خاص
وخرجت ندى وهي ضميرها بيوجعها على اللي هي بتعمله
ياسمين بعد ما شربت القهوه بشويه انا مش عارفه انا تعبانه ولا فرحانه ولا حزينه بس كل اللي اعرفه اني عايزه امشي عشان زهقت
احمد طب استني انا اوصلك
ياسمين ...لا يا عم انت رخم في الشغل هتيجي توصلني كمان برخامه وقاعده تضحك
احمد ...يا بنتي استني
ياسمين... يا عم انت ابن عم الرخم ممكن تقول لبابا اني روحت ولا اقول لك انا هاروح عند بابا احسن ومشت ياسمين وراحت عند صفوان في المكتب
احمد.. ندى
ندى... نعم
احمد ...انت حطيت قد ايه
ندى... والله حطيت اللي انت اديته لي يعني انا هاجيب منين
احمد امال هي عامله كده ليه
ندى.. انا شايفاها هي عاديه هي بتضحك على طول بس النهارده ضحكتها زياده شويه
ونسيبهم ونروح عند ياسمين.
ياسمين بتكلم السكرتيره
ياسمين ...بابا جوه
السكرتيره اسفه يا انسه ياسمين هو عنده اجتماع
ياسمين.. خلاص ابقي قولي له ياسمين روحت اوكي
السكرتيره... حاضر يا فندم
ومشيت ياسمين وهي بتضحك والمطر بدا ينزل وبقى شديد
ياسمين ...الله وراحت واقفت العربيه ونزل فضلت تتنطط تحت المطر وتلعب في الميه
وربنا اراضي جمعها مره ثانيه مع ادهم اللي ماشي بالتاكسي
بالصدفه
ادهم مين المجنونه دي الوقفه ترقص تحت المطر فاكره نفسها في الهند ولا ايه لانه كان هيدوسها با تاكسي نزل ادهم هو انتي لازم والله كنت اعرف
ياسمين .. سيلفستر وقاعده تضحك
ادهم... ايه البنت دي انت بتعملي ايه تحت المطر روح يلا يا احسن الجو هيقلب جامد
ياسمين.... مش عارفه اروح
ادهم..... انت شكلك شاربه حاجه ولا ايه
ياسمين ....ايوة شاربه قهوه وقاعده تضحك
ادهم... هات مفتاح العربيه بتاعتك وراح قفل عربيتها و تعالى اوصلك وركبت معها التاكسي
ياسمين ...انت هتعرف توصلني عارف بيتنا
ادهم... قولي لي العنوان وانا هاوصلك هو انت اسمك ايه صح
ياسمين..... انا ياسمين وقالت على عنوان الفيلا بتاعتها
ياسمين..... انت اسمك
ادهم ....انا ادهم وبيبص لقاها نامت راح خلع الجاكيت بتاعه و غطاها لان هدومها مبلوله
وبعد شويه وصل قدام الفيلا بتاعه ياسمين وراح نزل وسال البواب علشان يتاكد
البواب ايوه هي دي الفيلا ايه ده ستي ياسمين هي جرالها ايه
ادهم... طب بس يلا خلينا ندخلها جوه الاول وبعد كده اقول لك وادهم شال ياسمين ودخل بها جوه
فاطمه... ياسمين مالها
وياسمين طبعا حراره جسمها ارتفاع جدا
ادهم طب ممكن حضرتك تتصل بالدكتور الاول وبعد كده نعرف هي مالها وانا احكي لكم على اللي حصل وفعلا فاطمه اتصلت على الدكتور وجاء لي ياسمين وكتب لها العلاج وده كله ادهم لسه ما مشيش
فاطمه.. طب ممكن يا ابني تدينا اسمك علشان صفوان بيه اكيد هيسال وعلشان انت اللي عارف مكان العربيه بتاعتها فين
ادهم ...حاضر اداها اسمه والتليفون بتاعه علشان لو عزوا يتصلوا
فاطمه ...طب معلش يا ابني كمل جميلك وخذ معك حسين السواق وديه عند العربيه وهو هاجيبها وفعلا ادهم اخذ حسين السواق وراح جاب العربيه وادهم رجع بيته
ونسيبهم هنروح عند ياسمين في الحلم البنت انت ايه اللي جابك هنا وانت في الحاله دي وبتحاول تفوق ياسمين جاءت بنت ثانيه ايه ده مين دي انت ما قلتيش ان في واحده جديده بقت تخش عندنا البنت الاولانيه انا مش عارفه دي لازم تخرج بره دلوقت او تصحي وتفوق علشان لو هو جاء ولقى هتتحبس معنا ربنا يسترها بقى وبتحاول تفوق ياسمين
وبكده الفصل بتاعنا انتهى بس لسه روايتنا ما انتهتش يا ترى ياسمين هتفوق قبل ما يجيء ولا هتتحبس معهم في اللوحه وياترى ابن عمي ياسمين هيعرف يحط لها اللي بيحطوا ثاني ولا مش هيعرف
إرسال تعليق
شكرا لوجودك معي في المدونه وتعليقك المميز